https://sputnik.tj/20220201/khisorot-dargiri-tojikiston-qirghiziston-1045394576.html
Хисороти даргирӣ дар марзи Тоҷикистону Қирғизистон маълум шуд
Хисороти даргирӣ дар марзи Тоҷикистону Қирғизистон маълум шуд
Sputnik Тоҷикистон
Дар Исфара хисороти пешакӣ баъди даргирии мусаллаҳона дар марз бо Қирғизистони ҳамсоя ҳисоб карда шуд
2022-02-01T18:36+0500
2022-02-01T18:36+0500
2022-02-01T20:00+0500
вазъ дар марзи тоҷикистону қирғизистон
дар тоҷикистон
қирғизистон
баҳси марзӣ
муноқишаи марзӣ
ҳисоб
хисорот
https://cdnn1.img.sputnik.tj/img/07e6/01/1c/1045304387_138:0:860:406_1920x0_80_0_0_74773d577ee7c828d7a2c073cd3645c2.jpg
ДУШАНБЕ,1 фев — Sputnik. Дар даргириҳои мусаллаҳона ба рустоҳои тоҷикистонии ҷамоатҳои Чоркӯҳ ва Сурх ба маблағи 1,5 миллион сомонӣ (қариб 133 ҳазор доллар) хисороти моддӣ расонида шуд.Дар ин бора Зубайдулло Шомадов, сухангӯи ҳукумати шаҳри Исфара бо такя ба КҲФ ба Sputnik Тоҷикистон хабар дод. Дар ҷараёни тирпарронии рӯзи 27-уми январи соли 2022 52 бинои истиқоматӣ ва иншооти ёрирасон осеб дида, 4 бино – ошхона, нонвойхона, мағоза ва маркази саломатӣ низ хароб шудаанд. Дар манзилҳо 243 нафар зиндагӣ мекард. Комиссияи вижаи вазъияти изтирорӣ дар ҷамоатҳои деҳоти Исфара муайян кардааст, ки дар ҷараёни даргирии мусаллаҳона дар марз бо Қирғизистон 4 бинои истиқоматӣ комилан ва як хонаи шахсии дигар қисман тахриб шудаанд. Аз маблағи хисороти моддии пешакӣ ҳисобшуда - 1,5 миллион сомонӣ қариб 9,7 ҳазор сомонияш зарари мағозаҳо ва маркази саломатӣ гуфта мешавад. Ёдовар мешавем, ки рӯзи 27 январ дар наздикии маҳаллаи Сомониёни ҷамоати деҳоти Чоркӯҳи Исфара миёни марзбонони Тоҷикистону Қирғизистон даргирии мусаллаҳона ба вуқуъ пайваст. Тибқи иттилои расмии Кумитаи давлатии амнияти миллии Тоҷикистон, дар пайи муноқишаи марзӣ аз ҷониби Тоҷикистон 10 нафар, аз ҷумла 6 низомӣ ва 4 мулкии дигар ҷароҳат бардоштаанд. Нуқта гузошт: Аҳмадзода гуфт, ки роҳи Ӯш - Исфана ба кӣ тааллуқ дорад Ду сокини маҳаллӣ: Обидҷон Тӯйчиеви 36-сола бар асари таркиши миномёт ва ронандаи мошини ёрии таъҷилии беморхонаи Исфара Абдулатиф Шарифови 58-сола кушта шуданд.
https://sputnik.tj/20220128/kucha-khona-maqomot-tojik-khisoroti-dargiri-1045311771.html
қирғизистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
хисорот, ҳисоб, тоҷикистон, қирғизистон, даргирии марзӣ
хисорот, ҳисоб, тоҷикистон, қирғизистон, даргирии марзӣ
Хисороти даргирӣ дар марзи Тоҷикистону Қирғизистон маълум шуд
18:36 01.02.2022 (Навсозишуда: 20:00 01.02.2022) Дар Исфара шумориши пешакии хисороти даргирии мусаллаҳона дар марз бо Қирғизистон анҷом шуд
ДУШАНБЕ,1 фев — Sputnik. Дар даргириҳои мусаллаҳона ба рустоҳои тоҷикистонии ҷамоатҳои Чоркӯҳ ва Сурх ба маблағи 1,5 миллион сомонӣ (қариб 133 ҳазор доллар) хисороти моддӣ расонида шуд.
Дар ин бора Зубайдулло Шомадов, сухангӯи ҳукумати шаҳри Исфара бо такя ба КҲФ ба Sputnik Тоҷикистон хабар дод.
Дар ҷараёни тирпарронии рӯзи 27-уми январи соли 2022 52 бинои истиқоматӣ ва иншооти ёрирасон осеб дида, 4 бино – ошхона, нонвойхона, мағоза ва маркази саломатӣ низ хароб шудаанд. Дар манзилҳо 243 нафар зиндагӣ мекард.
Комиссияи вижаи вазъияти изтирорӣ дар ҷамоатҳои деҳоти Исфара муайян кардааст, ки дар ҷараёни даргирии мусаллаҳона дар марз бо Қирғизистон 4 бинои истиқоматӣ комилан ва як хонаи шахсии дигар қисман тахриб шудаанд.
Аз маблағи хисороти моддии пешакӣ ҳисобшуда - 1,5 миллион сомонӣ қариб 9,7 ҳазор сомонияш зарари мағозаҳо ва маркази саломатӣ гуфта мешавад.
"Маблағи умумии хисорот ба соҳаи барқ 107,2 ҳазор сомонӣ (9,5 ҳазор доллар) мебошад", - гуфт манбаъ.
Ёдовар мешавем, ки рӯзи 27 январ дар наздикии маҳаллаи Сомониёни ҷамоати деҳоти Чоркӯҳи Исфара миёни марзбонони Тоҷикистону Қирғизистон даргирии мусаллаҳона ба вуқуъ пайваст.
Тибқи иттилои расмии Кумитаи давлатии амнияти миллии Тоҷикистон, дар пайи муноқишаи марзӣ аз ҷониби Тоҷикистон 10 нафар, аз ҷумла 6 низомӣ ва 4 мулкии дигар ҷароҳат бардоштаанд.
Ду сокини маҳаллӣ: Обидҷон Тӯйчиеви 36-сола бар асари таркиши миномёт ва ронандаи мошини ёрии таъҷилии беморхонаи Исфара Абдулатиф Шарифови 58-сола кушта шуданд.
