Кудаки муҳоҷири тоҷик аз бинои баландошёнае дар Маскав афтодааст: тафсилоти фоҷиа

© Sputnik / Александр Кряжев / Гузариш ба медиабонкМногоэтажные панельные дома в строящемся жилом комплексе
Многоэтажные панельные дома в строящемся жилом комплексе - Sputnik Тоҷикистон, 1920, 01.02.2022
Обуна шудан
НовостиTelegram
Кумитаи тафтишоти Федератсияи Русия пас аз марги кӯдаки тоҷике, ки аз тирезаи бинои баландошёна ба замин афтод, таҳқиқро оғоз кард
ДУШАНБЕ, 1 фев — Sputnik. Кӯдаки панҷсолаи муҳоҷирони тоҷик аз тирезаи як бинои истиқоматии 18-ошёна дар шарқи Маскав ба замин афтод, хабар медиҳад РИА "Новости".
То расидани мошини ёрии таъҷилӣ кӯдаки хурдсол дар ҷои ҳодиса ба ҳалокат расидааст. Фоҷиа шоми 31 январ дар кӯчаи Лухмоновская рух додааст.
Табибони ҳозиршуда гуфтаанд, ки кӯдак аз захмҳои зарбаи афтидан бардоштааш фавтидааст.
Сергей Шнякин, ноболиғи рус, ки дар Душанбе ба таври мармуз фавтид  - Sputnik Тоҷикистон, 1920, 12.01.2022
Марги мармузи навраси рус дар "X-Fit"-и Душанбе: модараш аз Рустами Эмомалӣ кумак хост
Ба гуфтаи Юлия Иванова, ёвари калони раиси идораи Кумитаи тафтишоти Русия дар Маскав, муфаттишон аллакай баъди марги ноболиғ тафтишро шуруъ кардаанд.
Як манбаъ дар мақомоти ҳифзи ҳуқуқ тасдиқ кард, оилае, ки ба ин мусибат дучор шудааст, тоҷикистонист.
"Аз рӯи ин далел муфаттишон санҷиши пешакии тафтишотӣ ташкил кардаанд. Сабабҳои ҳодиса муайян карда мешаванд", - гуфт Иванова.
Тибқи иттилои пешакӣ, кӯдак дар долони умумии даромадгоҳ бозӣ мекард, вале чӣ гуна аз тиреза ба берун афтодани ӯро бояд мақомоти ҳифзи ҳуқуқ муайян кунанд.
Лентаи хабарҳо
0