Қурби рубл дар Тоҷикистон дубора боло рафт

© Sputnik / Евгений Биятов / Гузариш ба медиабонкГрафик рубля на стене
График рубля на стене - Sputnik Тоҷикистон, 1920, 02.02.2022
Обуна шудан
Пули русӣ пас аз коҳишёбии тӯлонӣ дар моҳи январ болоравии назаррасеро оғоз карда, ба нишондиҳандаҳои баланд наздик шудааст
ДУШАНБЕ, 2 фев — Sputnik. Аз авоили моҳи феврал рубл дар Тоҷикистон ба афзоиши муътадил гузашт ва тибқи нишондодҳои Бонки миллии кишвар, тақрибан ҳамарӯза афзоиш меёбад.
Ба ин тартиб, тибқи нишондоди БМТ, ҳазор рубл ба 147 сомонӣ баробар шуд, ки дар оғози ҳафта он ҳамагӣ 145 сомонӣ буд.
Аз 28 январ пули русӣ тамоюли болоравиро нишон дод. Қобили зикр аст, ки қурби баландтарин дар миёнаҳои моҳи декабри соли гузашта сабт шуда буд, ки як рубл ба 0,157 сомонӣ баробар буд.
Аммо аллакай пеш аз соли нав ин асъор дар баробари сомонӣ ба сатҳи соли 2019 поин рафт.
Доллары - Sputnik Тоҷикистон, 1920, 20.01.2022
Доллар дар азоб: бо асъори амрикоӣ соли 2022 чӣ рух медиҳад?
Дар мавриди арзи амрикоӣ бошад, қурби он муътадил буда, дар ҳудуди 11,30 сомонӣ барои як доллар нигоҳ дошта мешавад.
Евро дар Тоҷикистон дар ҳолати шинокунанда қарор дорад: тибқи иттилои БМТ, рӯзи 2-юми феврал як евро 12,73 арзиш дорад, ки нисбат ба як рӯзи қабл гаронтар аст.
Ҳамчунин қурби миёнаи фурӯши асъори хориҷии нақд дар муассиcаҳои қарзии Тоҷикистон чунин муқаррар шудааст:
1 доллари ИМА аз 11.3000 то 11.3000 сомонӣ;
1 евро аз 12.5848 то 12.9800 сомонӣ;
1 рубли русӣ аз 0.1452 то 0.1490 сомонӣ.
Бонки миллӣ ҳушдор медиҳад, ки амалиёти асъории берун аз филиалҳо, марказҳои хидматрасонии бонкҳо, инчунин банкоматҳо ва терминалҳо манъ аст.
Риоя накардани ин талабот дар Тоҷикистон қонуншиканӣ ҳисобида мешавад, ки ҷавобгарии маъмурӣ ва ҷиноятӣ дар пай дорад.
Лентаи хабарҳо
0