Эрдуғон ва ҳамсараш гирифтори омикрон шуданд
13:15 06.02.2022 (Навсозишуда: 15:23 07.02.2022)
© Sputnik / Михаил Климентьев
/ Обуна шудан
Президенти Туркия гуфт, ки ӯ ва хонуми аввали ин кишвар пас аз эҳсоси аломатҳои коронавирус аз ташхис гузаштаанд
ДУШАНБЕ, 6 фев — Sputnik. Раҷаб Тайин Эрдуғон дар бораи мубталошавияш ба коронавирус хабар дод.
Дар ин бора президент дар саҳифааш дар "Twitter" иттилоеро нашр кардааст.
Bugün hafif belirtiler üzerine eşimle birlikte yaptırdığımız COVID-19 testimizin sonucu pozitif çıktı. Omicron varyantı olduğunu öğrendiğimiz hastalığı hamdolsun hafif geçiriyoruz.
— Recep Tayyip Erdoğan (@RTErdogan) February 5, 2022
Görevimizin başındayız. Çalışmalarımıza evde devam edeceğiz. Dualarınızı bekliyoruz.
Ба гуфтаи раисиҷумҳури Туркия, ӯ ва ҳамсараш Эмине Эрдуғон пас аз пайдо шудани нишонаҳои сабук ташхиси ПСР гузаштанд. Натиҷаи санҷиш мусбат будааст.
"Чунон ки мо фаҳмидем, ин омикрон аст. Беморӣ, хушбахтона, сабук аст. Мо корро аз хона идома медиҳем, интизори дуоҳои шумо ҳастем", - навиштааст президенти Туркия.
Рӯзи сеюми феврал Эрдуғон аз Украина боздид кард ва дар он ҷо бо президенти ин кишвар Владимир Зеленский мулоқот намуд. Ҳамчунин ҷаласаи Шӯрои стратегии сатҳи олии ду кишвар баргузор шуд.
Штамми омикрон ё B.1.1.529 моҳи ноябри соли гузашта дар Ботсвана ва Африқои Ҷанубӣ кашф шудааст.
Ба гуфтаи коршиносон, ҳатто афроде, ки бемор шудаанду ваксина гирифтаанд, метавонанд ба он гирифтор шаванд.
Штамми нав аллакай саросари ҷаҳонро фаро гирифтааст. Он назар ба штаммҳои қаблӣ, бахусус делта зудтар паҳн мешавад.
