Фаромадани 10 тарма дар се ноҳияи ВМКБ: хатар боқӣ мемонад

© КЧСЗанесенные снегом дороги в Таджикистане
Занесенные снегом дороги в Таджикистане - Sputnik Тоҷикистон, 1920, 07.02.2022
Обуна шудан
Дар манотиқи кӯҳии Тоҷикистон хатари фаромадани тарма боқӣ мемонад. Наҷотдиҳандагон навбатдории шабонарӯзӣ дар ин манотиқро идома медиҳанд
ДУШАНБЕ, 7 фев— Sputnik. Дар ноҳияҳои Рӯшону Шуғнон ва Ишкошими ВМКБ шабонарӯзи гузашта 10 тарма фаромадааст.
Бино ба гузориши Кумитаи ҳолатҳои фавқулодда, оқибатҳои ҳафт тарма рафъ ва корҳо дар ҷиҳати бартараф кардани авоқиби се тармаи дигар дар минтақаҳои Рӯшону Ишкошим идома дорад.
Манбаъ афзуда, ки дар пайи фаромадани тарма талафот ва хисорот ба қайд гирифта нашудааст.
Дар баробари ин Кумитаи ҳолатҳои фавқулодда ҳушдор медиҳад, ки ҳамоно хатари фаромадани тарма дар минтақаҳои кӯҳӣ зиёд аст.
Садама дар роҳи Душанбе - Чаноқ боиси танбашавии мошинҳо шудааст - Sputnik Тоҷикистон, 1920, 17.01.2022
КҲФ ҳашт масири хатарнок барои ҳаракат дар Тоҷикистонро ном бурд
Наҷотдиҳандагони воҳидҳои зудамали кумитаи мазкур бо мақсади таъмини бехатарии ронандагон дар роҳҳо ва расонидани ёрии таъҷилӣ дар ҳолатҳои фавқулодда навбатдории шабонарӯзиро идома медиҳанд.
КҲФ мегӯяд, барои бартараф намудани оқибатҳои тарма ва тоза кардани роҳҳо хадамоти роҳдории Вазорати нақлиёт техникаи махсус ҷудо кардааст.
Кумитаи ҳолатҳои фавқулодда ва мудофиаи граждании ҷумҳурӣ аз сокинон даъват мекунад, ки аз сафари безарурат ба манотиқи тармафароӣ худдорӣ карда, ҳушёр ва эҳтиёткор бошанд.
Лентаи хабарҳо
0