Қарзи “Барқи тоҷик” аз НБО "Сангтӯда-1" ба ним миллиард сомонӣ наздик шуд

© Sputnik / Амир Исаев / Гузариш ба медиабонкСангтудинская ГЭС-1 в Таджикистане
Сангтудинская ГЭС-1 в Таджикистане - Sputnik Тоҷикистон, 1920, 12.02.2022
Обуна шудан
Мизони пардохтпазирии ҶСК "Барқи тоҷик" ба нерӯи барқи гирифатааш аз “Сангтӯда-1” пастарин дар тӯли фаъолияти нерӯгоҳ арзёбӣ мешавад
ДУШАНБЕ, 12 фев - Sputnik. Ширкати “Сангтӯда-1” эълон кард, ки ба далели пурра пардохт накардани пули барқи истеҳсолшуда қарзи ширкати “Барқи тоҷик” дар назди ин ширкат наздик ба ним миллиард сомонӣ афзоиш ёфтааст.
Тибқи ҳисоботи ширкат, НБО "Сангтӯда-1" дар соли 2021 2206,79 миллион кВт-соат барқ интиқол дод, ки нисбат ба соли 2020 23,13 миллион кВт-соат ё 1,1 фоиз зиёд мебошад.
Коэффитсиенти истифодабарии иқтидор то 37,8 фоизро ташкил дод.

"Аз оғози соли 2021 сатҳи миёнаи пардохт аз ҶСК "Барқи тоҷик" аз 38 фоизи арзиши нерӯи барқ ​​зиёд нест, ки ин пасттарин нишондиҳанда дар тамоми таърихи фаъолияти нерӯгоҳи барқи обӣ мебошад",- афзуд манбаъ.

Гуфта мешавад, дар соли 2021 қарзи ҶСК "Барқи тоҷик" аз ҶСК "НБО Сангтӯдин-1" ба 496 миллион сомонӣ расида, ба ҳолати 31 декабри соли 2021 2,1 миллиард сомониро ташкил дод.
НБО-и "Сангтӯда-1" тамоми корҳои ба нақша гирифташударо оид ба таъмири таҷҳизоти асосӣ ва иншооти гидротехникии нерӯгоҳ анҷом дода, бо ҳайати шахсии НБО-1-и "Сангтӯда" як қатор машқҳои тактикӣ ва тамринҳо гузаронида шудааст.
Ҳамзамон гуфта мешавад, ин нерӯгоҳ аз аудити такрории сертификатсияи мутобиқат ба стандарти байналмилалии системаи идоракунии муҳити зист ISO 14001:2015 бо муваффақият гузашт.
Председатель компании Барки Тоджик Мирзо Исмоилзода  - Sputnik Тоҷикистон, 1920, 27.01.2022
Эмомалӣ Раҳмон раиси "Барқи тоҷик"-ро барканор кард
"Комиссия аз рӯи натиҷаҳои тафтиши комплексӣ муайян кард, ки шартҳои асосӣ ва иловагии ба кор омода будани истгоҳ дар давраи тирамоҳу зимистон бо сифати баланд ва пурра иҷро карда шудаанд",- омадааст дар ҳисобот.
Ёдовар мешавем, қаблан мудирияти нерӯгоҳи барқи обии "Сангтӯда-1" бо вуҷуди талошҳо барои фурӯши барқ ба хориҷ бидуни миёнравии ширкати қарздори "Барқи тоҷик" муваффақ нашуд.
Нерӯгоҳи барқи обии "Сангтӯда - 1", ки тарҳи муштараки Русия ва Тоҷикистон аст, дар соли 2009 ба баҳрабардорӣ расид ва 11 дарсад аз кулли барқи тавлидшуда дар нерӯгоҳҳои барқи обии Тоҷикистон ҳосили кори ин нерӯгоҳ аст.
Русия 75 дарсад ва Тоҷикистон 25 дарсади саҳмияҳои молии нерӯгоҳи барқи обии "Сангтӯда 1"-ро дар ихтиёр дорад.
Лентаи хабарҳо
0