Боз як кишвари дигар марзҳояшро барои шаҳрвандони Тоҷикистон боз кард

© Sputnik / Владимир Сергеев / Гузариш ба медиабонкBoeing 777 в небе
Boeing 777 в небе - Sputnik Тоҷикистон, 1920, 16.02.2022
Обуна шудан
Шаҳрвандони Тоҷикистон аз тариқи ҳавопаймоҳо метавонанд боз ба як кишвари дигар сафар кунанд
ДУШАНБЕ, 16 фев — Sputnik. Озарбойҷон ба шаҳрвандони 17 кишвар, аз ҷумла Тоҷикистон иҷозати вуруд додааст. Дар ин бора дар сомонаи Девони Вазирони ин ҷумҳурӣ хабар дода шудааст.
Тибқи иттилои манбаъ, ин қарор аз сӯйи сарвазири Озарбойҷон Алӣ Асадов ба имзо расидааст.
Тибқи қарори мазкур, Озарбойҷон ҳарими ҳавоияшро барои шаҳрвандони Албания, Ҷумҳурии Доминикан, Филиппин, Гурҷистон, Ҳиндустон, Индонезия, Эрон ва Колумбия боз мекунад.
Шаҳрвандони Молдова, Ӯзбекистон, Покистон, Перу, Тоҷикистон, Таиланд, Тунис, Туркманистон ва Венесуэла низ ин иҷозатро аз Ҳукумати Озарбойҷон дарёфт кардаанд.
Қобили зикр аст, ки тибқи қарори мазкур, ба Озарбойҷон метавон танҳо тавассути ҳавопаймо ворид шуд.
Самолет авиакомпании Nordwind - Sputnik Тоҷикистон, 1920, 03.02.2022
Парвозҳои миёни Русия ва Тоҷикистон: хабарҳои охирин
Боз як ширкати ҳавопаймоии Русия парвоз ба Душанберо оғоз кард
Инчунин мусофирон бояд як қатор санадҳоро таҳия кунданд, то тавонанд вориди хоки ин кишвар шаванд. Аз ҷумла онҳо бояд бо худ шаҳодатномаи моякӯбӣ ё пурра ё шифо ёфтан аз коронавирус дошта бошанд. Ҳамчунин натиҷаи манфии ПСР-тест низ лозим аст, ки дар давоми 72 соат ахир дода шудааст.
Чунин талабот танҳо ба мусофирони аз 18-сола боло дахл дорад. Шаҳрвандони то 18-сола бояд ПСР-тест манфӣ дошта бошанд.
Қаблан хабар дода шуда буд, ки Тоҷикистон дар соли 2022 ният дорад, парвозҳоро бо ду кишвари дигар ба роҳ монад.
Дар Душанбе санадҳо барои ташкили парвозҳои мустақим ба Украина омода шудаанд. Қарор аст, парвоз аз Душанбе ба Киев ва баръак сурат гирад.
Кишвари дуюм ин Литва мебошад, ки Тоҷикистон мехоҳад бо он парвозҳои доимӣ барқарор кунад.
Лентаи хабарҳо
0