Прокуратураи Суғд алайҳи якчанд мансабдор парвандаи ҷиноӣ боз кардааст

© Sputnik Здания Прокуратуры Согдийской области
Здания Прокуратуры Согдийской области - Sputnik Тоҷикистон, 1920, 17.02.2022
Обуна шудан
Прокуратураи вилояти Суғд хабар додааст, ки вобаста ба ғайриқонунӣ додани замин 80 парвандаи ҷиноӣ боз кардааст
ДУШАНБЕ, 17 фев — Sputnik. Масъулини прокуратураи вилояти Суғд зимни нишасти матбуотӣ ба рӯзноманигорон хабар доданд, ки соли гузашта вобаста ба ғайриқонунӣ додани замин дар вилоят 80 парвандаи ҷиноӣ оғоз карда шудааст.
Тибқи иттилои прокуратура, аз ҷумла дар шаҳру ноҳияҳои вилоят: Панҷакент 22, Истаравшан 13, Ашт 9, Хуҷанд 8, Деваштич 7, Спитамен ва Конибодом, ҳар яке 2-тоӣ, Б. Ғафуров, Исфара, Мастчоҳ ва Айнӣ яктоӣ парванда боз шудааст.
Прокуратура қайд кардааст, ки нисбати 4 нафар аз масъулини мақомоти иҷроияи ҳокимияти давлатӣ низ парванда оғоз шудааст.
Таджикские сомони на столе  - Sputnik Тоҷикистон, 1920, 15.02.2022
"Ба корманди агентӣ 50 ҳазор сомонӣ пора доданд": парванда алайҳи роҳбарони шабакаи барқ
“Ҳамчунин нисбати як нафар корманди Кумитаи замин, 23 нафар корманди КДФ “Бақайдгирии молу мулки ғайриманқул”, 15 нафар масъулини ҷамоатҳои деҳот, се нафар масъулини соҳаи маориф ва нуҳ раиси хоҷагиҳои деҳқонӣ парвандаҳои ҷиноятии вобаста ба ғайриқонунӣ додани замин, қаллобӣ ва гирифтани пора боз шудааст”, - таъкид кардаанд масъулини прокуратура.
Гуфта шудааст, ки дар маҷмуъ 5506,53 га заминҳо худсарона ишғолгардида ё ғайриқонунӣ мавриди истифода қарордошта ба ҳолати аввала баргардонида шудаанд, ки аз ин 45 га заминҳои зери сохтмони иморат, иншоот ва 5461 га заминҳои ғайриқонунӣ ҷудо ва вобасташуда мебошанд.
Лентаи хабарҳо
0