Олмону Австрия аз шаҳрвандонаш хостаанд, Украинаро тарк намоянд

© Sputnik / Алексей Витвицкий / Гузариш ба медиабонкВыборы в Бундестаг
Выборы в Бундестаг - Sputnik Тоҷикистон, 1920, 19.02.2022
Обуна шудан
Мақомоти умури хориҷии бархе кишварҳои аврупоӣ дар пайи шиддат гирифтани вазъ дар Донбасс аз шаҳрвандонаш хостаанд, тарки Украина кунанд
ДУШАНБЕ, 19 фев– Sputnik. Вазорати умури хориҷии Олмон қатъан ба шаҳрвандонаш тавсия медиҳад, ки Украинаро тарк кунанд, омодааст дар сомонаи ин ниҳод.
"Тавсия дода шуд, ки аз сафар ба Украина худдорӣ карда шавад. Шаҳрвандони Олмонро зарур аст, Украинаро худи ҳозир тарк кунанд", - овардааст РИА "Новости" аз қавли Вазорати умури хориҷии Олмон.
Дар ҳамин ҳол Вазорати умури хориҷии Австрия низ ба истиснои чанд вилоят ҳузури шаҳрвандонашро дар минтақаҳои дигари Украина хатарзо хондааст.
ВУХ Авустрия ба шаҳрвандонаш ҳушдор додааст, аз сафар ба Украина ба ғайр аз вилоятҳои Лвов, моварои Карпат, Ивано-Франковск ва Черновствои ин кишвар худдорӣ кунанд.
Автобусы, предназначенные для эвакуации мирных жителей из Дебальцево. 6 февраля 2015 года - Sputnik Тоҷикистон, 1920, 19.02.2022
Вазъ дар Донбасс: Тахлияи ҶХД аз занону кӯдакон ва ҳидояти мардони 18 то 55-сола
"Ба австриягиҳо маслиҳат дода мешавад, ки фавран қаламрави ин кишварро, ба истиснои вилоёти зикршуда тарк кунанд, чун вазъи амниятӣ норӯшан боқӣ мемонад", - омадааст дар иттилоия.
Ин дар ҳолест, ки мақомдорони ҷумҳуриҳои худхондаи Луганск ва Донетск рӯзи 18-уми феврал ба тахлияи аҳолии осоишта оғоз карда, аз нияти Киев барои оғози амалиёти низомӣ ҳушдор доданд.
Роҳбарияти вилояти Ростови Русия ба далели зиёд будани гурезаҳо аз Донбасс дар қаламраваш вазъияти фавқулодда эълон карда, барои паноҳандагон бошишгоҳҳои муваққатӣ фароҳам карданд.
Мақомоти Донбассу Луганск мегӯянд, вазъият дар минтақа шиддат гирифта, низомиёни Украина мавзеъҳояшонро ҳадаф қарор додаанд.
Мухолифатҳо дар шарқи Украина беш аз 7,5 соли охир идома доранд, ки ба иттилои СММ, зиёда аз 13 ҳазор нафар қурбонӣ бар ҷой гузоштаанд.
Лентаи хабарҳо
0