Ду тоҷикистоние, ки дар метро пулисро заданд, бародаранд: падарашон дархости кумак кард

© Sputnik / Vladimir Pesnya / Гузариш ба медиабонкПолицейские и пассажир на станции метро "Новокузнецкая" в Москве
Полицейские и пассажир на станции метро Новокузнецкая в Москве - Sputnik Тоҷикистон, 1920, 20.02.2022
Обуна шудан
НовостиTelegram
Падари онҳо кори фарзандонашро нодуруст хонд ва аз ҳамватанон дархости кумак намуд
ДУШАНБЕ, 20 фев– Sputnik. Ду бародар аз Тоҷикистон дар истгоҳи метрои "Тулская" кормандони пулисаро заданд. Ин ҳодиса рӯзи 17 феврал рух дод ва феълан муҳоҷирон дар боздошт қарор доранд.
Падари ин ду муҳоҷир дар як навори видеоӣ бо таассуф изҳор дошт, ки аз кори фарзандони худ розӣ нест ва "онҳо набояд дар мулки бегона ба ин кор даст мезаданд".
Ба таъкиди Расулҷон Ҳамроев, ба кормандони милиса фарзанди хурдии ӯ, Умар, ки ҳамагӣ 18 сол дорад, дарафтодааст.

"Чун дид, ки кормандони милиса бародарашро бо чӯбдаст (дубинка) заданд, дигар тоқат накард ва ба онҳо ҳамла овард", - мегӯяд Ҳамроев.

Расулҷон Ҳамроев гуфт, бо адвокатҳо суҳбат кардааст ва онҳо гуфтаанд, ки Саидакраму Умар метавонанд бо ҷарима халос шаванд.
Ӯ гуфт, барои таъмини ҳимояти ҳуқуқии фарзандонаш ба кумаки молӣ эҳтиёҷ дорад. Расулҷон Ҳамроев аз ҳамватанон хост, ки барои пардохти пули адвокатҳои фарзандонаш ба ӯ кумак расонанд.
Меры безопасности в московском метро - Sputnik Тоҷикистон, 1920, 18.02.2022
Муҳоҷирон ба кормандони пулиси Маскав дар метро ҳамла карданд - видео
Ёдовар мешавем, пулиси Маскав видеои бозпурсии Саидакрам ва Умарро нашр кард. Умар ҳангоми бозпурсӣ ба ягон савол ҷавоб надода, хомӯширо ихтиёр кард, вале Саидакрам дар шарҳи он ҳодиса гуфт, ӯ ягон муқовимат нишон надода буд.
Лентаи хабарҳо
0