Кумитаи ҷавонон гуфт, Дилшод Назаров корашро дар кадом мақом идома медиҳад

Абдулло Рахмонзода - Sputnik Тоҷикистон, 1920, 21.02.2022
Обуна шудан
Раиси Кумитаи кор бо ҷавонон ва варзиши Тоҷикистон аз фаъолияти муовинони барканоршудааш тавсиф кард
ДУШАНБЕ, 21 фев - Sputnik. Абдулло Раҳмонзода, раиси Кумитаи ҷавонон ва варзиши Тоҷикистон гуфт, ноибони навтаъйинаш аз ҳисоби кадрҳои худи ин ниҳод интихоб гардидаанд.
Ба иттилои Кумитаи ҷавонон, ноиби сарвазири Тоҷикистон Матлубахон Сатториён кадрҳои навтаъйинро дар ин ниҳод муаррифӣ намуд. Аз ҷумла зикр шуд, ки Раҳимзода Шабнам Карим ба ҳайси муовини якум, Сураҷ Чоршанбезода ва Парвиз Собирзода ба вазифаи муовинони раиси ин ниҳод таъйин гардиданд.
Кумитаи ҷавонон инчунин иттилоъ дод, ки ноибони барканоршудаи роҳбари ин ниҳод минбаъд фаъолияташонро дар кадом мақом идома хоҳанд дод. Аз ҷумла иттилоъ дода шуд, ки Аҳмадзода Дилноза ба ҳайси муовини директори Аргентии хидмати давлатии назди президент таъйин шуд.
Министр образования и науки Таджикистана Мухаммадьюсуф Имомзода - Sputnik Тоҷикистон, 1920, 21.02.2022
Эълони сабаби барканории Имомзода ва Шоҳин Саидзода
Ин ниҳод афзуд, ки Дилшод Назаров ба ҳайси ноиби президенти Кумитаи миллии олимпии Тоҷикистон фаъолияташро идома медиҳад.
Раҳмонзода зимни гусели муовинони қаблию муаррифии ноибони нав давраи фаъолияти Аҳмадзода Дилноза ва Дилшод Назаровро пурсамар хонд.
"Дар ин давра ҷавонону варзишгарони кишвар ба дастовардҳои назаррас ноил гардиданд ва нишондиҳандаи кумита низ ба маротиб боло гардид", - изҳор дошт ӯ.
Раиси кумита аз ҳисоби кадрҳои соҳаи кор бо ҷавонон ва варзиш интихоб намудани муовинони навтаъинро низ далели таваҷҷуҳи хоси ҳукумат ва президент ба ин соҳаи афзалиятнок унвон намудааст.
Лентаи хабарҳо
0