Ҳушдори обуҳавошиносон аз хавфи фаромадани тарма

© Sputnik / Денис Абрамов / Гузариш ба медиабонкДорожная техника расчищает автомобильную дорогу от лавины, архивное фото
Дорожная техника расчищает автомобильную дорогу от лавины, архивное фото - Sputnik Тоҷикистон, 1920, 23.02.2022
Обуна шудан
НовостиTelegram
Обуҳавошиносони тоҷик пешгӯӣ доранд, ки шабонарӯзи наздик дар минтақаҳои алоҳидаи кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон хавфи фаромадани тарма аз эҳтимол дур нест
ДУШАНБЕ, 23 фев - Sputnik. Бино бар иттилои Ожонсии обуҳавошиносии Тоҷикистон дар Вилояти Мухтори Кӯхистони Бадахшон ҳаво абрнок шуда, вале бебориш хоҳад буд.
Тибқи иттилои обуҳавошиносон танҳо дар ноҳияҳои алоҳидаи ғарби вилоят бориши борон ва барф ба амал меояд.
Ҳаво дар ғарби вилоят шабона аз 2 то 7 дараҷа хунук, рӯзона аз 1 то 6 дараҷа гарм, дар шарқи вилоят шабона то 19 дараҷа хунук, рӯзона аз 4 дараҷа хунук то 1 дараҷа гарм мешавад.
Дар вилояти Суғд ҳавои абрнок, дар водиҳо асосан бебориш дар назар буда, дар ноҳияҳои алоҳидаи кӯҳӣ бориши сусти борон ва барф ба амал меояд. Ҳаво дар водиҳо шабона то 6 дараҷа гарм, рӯзона то 13 дараҷа гарм, дар ноҳияҳои кӯҳӣ шабона аз 0 то 5 дараҷа хунук, рӯзона то 6 дараҷа гарм мешавад.
Подготовка к 3-тысячелетнему юбилею Гиссара - Sputnik Тоҷикистон, 1920, 10.02.2022
Боздиди наздик ба 300 ҳазор гардишгари хориҷӣ аз Тоҷикистон новобаста аз пандемия
Дар вилояти Хатлон ҳавои абрнок, дар ноҳияҳои алоҳида дар баъзе ҳолатҳо борон борида, тормеғ (туман) мефарояд. Ҳаво дар водиҳо шабона то 9 дараҷа гарм, рӯзона то 14 дараҷа гарм, дар доманакӯҳҳо шабона то 5 дараҷа гарм, рӯзона аз 2 то 7 дараҷа гарм мешавад.
Дар шаҳру ноҳияҳои тобеи марказ ҳавои абрнок, дар водиҳо баъзан борон борида, дар ноҳияҳои алоҳидаи кӯҳӣ бориши борон ва барф ба амал меояд. Ҳаво дар водиҳо шабона то 7 дараҷа гарм, рӯзона то 14 дараҷа гарм, дар ноҳияҳои кӯҳӣ шабона аз 1 дараҷа хунук то 4 дараҷа гарм, дар баъзе ноҳияҳо то аз 1 то 6 дараҷа хунук, рӯзона аз 1 то 6 дараҷа гарм мешавад.
Дар шаҳри Душанбе ҳавои абрнок, дар баъзе ҳолатҳо борон меборад. Ҳаво шабона то 5 дараҷа гарм, рӯзона аз 12 то 14 дараҷа гарм мешавад.
Лентаи хабарҳо
0