Бонкҳои Русия суди пасандозҳоро боз боло бардоштанд

© Sputnik / Евгений ЕпанчинцевРуки пожилого мужчины
Руки пожилого мужчины - Sputnik Тоҷикистон, 1920, 02.03.2022
Обуна шудан
Yandex newsTelegram
Бонкҳои Русия ҳаҷми фоизи пасандозҳоро боло бурдаанд, хабар медиҳанд овезаҳои муассисаҳои молиявӣ
ДУШАНБЕ, 2 мар — Sputnik. Болотарин дарсад барои амонатгузорон дар бонкҳои Русия дар ҳадди 23% муқаррар шудааст.
Дар ин бора дар сомонаҳои муассисаҳои қарзии ин кишвар хабар дода шудааст.
Маврид ба зикр аст, ки ахиран Бонки марказии Русия меъёри бозтамвилро ба андозаи 10,5 банди фоизӣ боло бурда, 20%-и солона муқаррар кард.
Дар пайи ин иқдом ВТБ сатҳи даромаднокии пасандозҳо бо рублро 21%, бо доллар 8% ва бо евро 7%. муқаррар кард.
Суди пасандоз дар "Сбербанк" низ боз боло бурда шуда, аз 18% то 21,18%-и солона расид. Фоизи пасандозҳо бо рубл дар ПСБ 21%, "Газпромбонк" 20,3%, "Абсолютбонк" 20%, "Росселхозбонк" 20%, "Райффайзенбонк" 15% ва "Тинкоффбанк" 18% муқаррар шудаст.
Акция протеста у Лондонской фондовой биржи - Sputnik Тоҷикистон, 1920, 02.03.2022
Тоҷикистон ният дорад, барои пардохти қарзи хориҷӣ беш аз 190 миллион доллар масраф кунад
Баландтарин фоизи пасандоз дар "Совкомбанк" ба қайд гирифта шудаст, ки 23%-ро ташкил медиҳад.
Бонки марказии Русия зимни тавзеҳи болобарии меъёри бозтамвил гуфт, шароити берунӣ барои иқтисоди кишвар омилан тағйир ёфтааст. Таъкид шудааст, ки болоравии меъёри бозтамвил ба коҳиши таъсироти манфӣ мусоидат мекунад.
"Афзоиши меъёри бозтамвил нишондоди пасандозгузориро то ҳадде боло мебарад, ки ин барои ҷуброни хатарҳои таварруми афзоянда кифоят мекунад. Ин имкон медиҳад, ки эътидоли молиявию нарх таъмин шавад", - зикр шуд дар иттилоия.
Ниҳоди танзимкунандаи бахши молиявии Русия ҳамчунин таъкид намудааст, ки афзоиши меъёри бозтамвил барои ҳифзи пасандози шаҳрвандон аз беқурбшавӣ хидмат мекунад.
Таҳримҳо алайҳи Русия дар пасманзари амалиёти низомӣ дар Украина роҳандозӣ шуданд, ки аз ҷумла бахши молия ва бонкҳоро фаро мегиранд.
Лентаи хабарҳо
0