Азми роҳандозии тури сайёҳӣ аз тариқи қатор миёни Тоҷикистону Ӯзбекистон

Железнодорожный знак - Sputnik Тоҷикистон, 1920, 02.03.2022
Обуна шудан
Yandex newsTelegram
Мақомоти Тоҷикистону Ӯзбекистон ният доранд, аз тариқи роҳи оҳан хатсайрҳои сайёҳӣ роҳандозӣ кунанд
ДУШАНБЕ, 2 мар – Sputnik. Тоҷикистону Ӯзбекистон мехоҳанд, хатсайрҳои сайёҳии ҷадид ба воситаи қатор аз шаҳрҳои Андиҷон, Конибодом, Хуҷанд, Душанбе, Самарқанд, Бухоро, Қаршӣ убур кунанд.
Убайдулло Обидов, сардори КВД “Роҳи оҳан” дар Суғд гуфт, тарҳи ташкили хатсайри нави мусофирбарию сайёҳӣ ба шаҳрҳои Ӯзбекистон ҳанӯз 2 сол қабл рӯи даст гирифта шуда буд.

"Аммо хуруҷи пандемияи коронавирус монеи иҷроӣ кардани тасмим гардид. Хушбахтона, ҳоло вазъият беҳтар шудааст, мо ба унвони ҳукумати кишвар муроҷиат намудем ва умедворем, ин хатсайр роҳандозӣ хоҳад шуд”, – гуфт Обидов.

Сардори идораи "Роҳи оҳан"-и Суғд дар суҳбат ба Sputnik Тоҷикистон гуфт, хатсайри мазкури сайёҳӣ аз миёни якчанд шаҳрҳои ду кишвари ҳамҷавор Андиҷон – Конибодом – Хуҷанд – Душанбе – Самарқанд – Бухоро – Қаршӣ убур хоҳанд кард.
Масъулин мегӯянд, барои роҳандозии ин тарҳ ҳолати техникии ҳамаи қаторҳои мусофирбарӣ омода карда шудааст.
Товарный поезд. Архивное фото - Sputnik Тоҷикистон, 1920, 25.02.2022
Мизони интиқоли бор аз тариқи қатораҳо коҳиш ёфтааст: шарҳи масъулини “Роҳи оҳан”
Ду сол қабл ҳаракати қаторҳои ширкати “Роҳи оҳан” дар масири Хуҷанд – Маскав – Хуҷанд ва инчунин Душанбе – Маскав– Душанбе ва Кӯлоб – Маскав– Кӯлоб ҳар ҳафта мунтахам сурат мегирифт. Аммо хуруҷи ҳамагири COVID -19 боиси мутаваққиф шудани ҳаракати қатор гардид.
Лентаи хабарҳо
0