Зеленский омодагии худро ба музокира бо Путин эълон кард

© AFP 2022 / SERGEI SUPINSKYПрезидент Украины Владимир Зеленский
Президент Украины Владимир Зеленский - Sputnik Тоҷикистон, 1920, 02.03.2022
Обуна шудан
Yandex newsTelegram
Президенти Украина омодагии худро ба музокира бо раисҷумҳури Русия эълон кард
ДУШАНБЕ, 2 мар — Sputnik. Владимир Зеленский дар мусоҳиба бо шабакаи амрикоии CNN изҳор дошт, ки омодааст, бо президенти Русия Владимир Путин гуфтушунид кунад.

"Ҷаҳон аллакай дарк мекунад, ки президенти Федератсияи Русияро сари мизи музокирот шинондан лозим аст, дар ҳоле ки бо ӯ алъон нишастан сари мизи музокира мехоҳанд ва ман ҳам ҳамчунин", - афзуд Зеленский.

Ёдрас мешавем, Русия амалиёти низомӣ дар Украинаро субҳи барвақти 24 феврал шуруъ кард.
Раисҷумҳури Русия Владимир Путин ҳадаф аз онро “ҳимояти мардуме, ки тӯли ҳашт сол аз тарафи режими Киев мавриди тамасхур ва наслкушӣ қарор доштанд”, унвон кард. Ба ин манзур, ба гуфтаи ӯ, “ғайринизомисозӣ ва нозизудоии Украина”, таҳвили муҷримони ҷангии масъул дар “ҷиноёти хуношом алайҳи сокинони мулкӣ”-и Донбасс ба додгоҳ барномарезӣ шуд.
Бинобар баёнияи Вазорати дифои Русия, нерӯҳои ҳарбии ин кишвар танҳо зерсохтҳои низомию низомиёни Украинаро ҳадаф қарор медиҳанд ва ин амалиёт шаҳрвандони мулкиро таҳдид намекунад.
Саммит Восточного партнерства - Sputnik Тоҷикистон, 1920, 01.03.2022
Намояндаи парлумони Украина: Эҳтимол Зеленский таслим шаваду аз кишвар фирор кунад
Бо ҳимояти нерӯҳои ҳавоии ФР ҳуҷуми гурӯҳҳои ҶХД ва ҶХЛ доман мегустарад. Ин ҷо ҳарф дар бораи забти Украина нест, гуфт раисҷумҳури Русия.
Дар рӯзи панҷшанбеи 28 феврал ҳайатҳои Русия ва Украина дар вилояти Гомели Беларус музокирае баргузор карданд. Он панҷ соат тӯл кашид.
Тавре ёвари раисҷумҳури Русия Владимир Мединский гуфт, тарафайн кулли дастури корро баррасӣ ва нукотеро барои пешбинии мавозеи муштарак пайдо карданд. Дидори баъдии ҳайатҳои русӣ ва украинӣ дар марзи Беларусу Лаҳистон баргузор мешавад.
Лентаи хабарҳо
0