Байден боз иштибоҳ кард: "Путин ба Русия ҳамла кард" - видео

Обуна шудан
Роҳбари Амрико ҳангоми шарҳи вазъи Украина боз иштибоҳ кард
Дар шабакаҳои иҷтимои наворе пайдо шуд, ки дар он раисҷумҳури ИМА вазъи Украинаро шарҳ медиҳад. Зимни суханрониаш гуфт, ки "Путин ба Русия ҳамла кард".

"Дар сатҳи байналмилалӣ чӣ мешавад? Тавре ки шумо медонед, Путин тасмим гирифт, ки ба Русия ҳамла кунад. Мо чӣ гуна ба ин расидем? Баъд аз Ҷанги Дуюми Ҷаҳонӣ ин гуна вазъ мушоҳида шуда буд",- гуфт Байден.

Маврид ба зикр аст, ки Русия амалиёти низомӣ дар Украинаро субҳи барвақти 24 феврал шуруъ кард. Раисҷумҳури Русия Владимир Путин ҳадаф аз онро “ҳимояти мардуме, ки тӯли ҳашт сол аз тарафи режими Киев мавриди тамасхур ва наслкушӣ қарор доштанд”, унвон кард.
Ба ин манзур, ба гуфтаи ӯ, “ғайринизомисозӣ ва нозизудоии Украина”, таҳвили муҷримони ҷангии масъул дар “ҷиноёти хуношом алайҳи сокинони мулкӣ”-и Донбасс ба додгоҳ барномарезӣ шуд.
Бинобар баёнияи Вазорати дифои Русия, нерӯҳои ҳарбии ин кишвар танҳо зерсохтҳои низомию низомиёни Украинаро ҳадаф қарор медиҳанд ва ин амалиёт шаҳрвандони мулкиро таҳдид намекунад.
Бо ҳимояти нерӯҳои ҳавоии ФР ҳуҷуми гурӯҳҳои ҶХД ва ҶХЛ доман мегустарад. Ин ҷо ҳарф дар бораи забти Украина нест, гуфт раисҷумҳури Русия. Дар баробари амалиёт инчунин музокироти Русия ва Украина низ баргузор мешавад, ки то ҳол ду даври он анҷом ёфта, интизор меравад, рӯзҳои наздик даври сеюмаш сурат гирад.
Лентаи хабарҳо
0