Путин вуруд ба Русияро аз қаламрави ҷумҳуриҳои Донетск, Луганск ва Украина осон кард

© Sputnik / Сергей Батурин / Гузариш ба медиабонкЭвакуация граждан из ДНР и ЛНР
Эвакуация граждан из ДНР и ЛНР - Sputnik Тоҷикистон, 1920, 06.03.2022
Обуна шудан
Шаҳрвандони ҶМД, ҶМЛ ва Украина метавонанд ба Федератсияи Русия бо ҳуҷҷатҳои тасдиқкунандаи шахсияти худ ворид ва аз он ҷо хориҷ шаванд
ДУШАНБЕ, 6 мар — Sputnik. Вуруд ба Русияро барои шаҳрвандони хориҷӣ ва шахсони бешаҳрванд аз қаламравҳои ҶМД, ҶМЛ ва Украина содда кардаанд.
Дар ин бора дафтари матбуотии Кремл бо истинод ба фармони раисҷумҳури ин кишвар хабар додааст.
Ба иттилои манбаъ қарори дахлдор сар аз 5 март мавриди амал қарор гирифта, ҳамакнун шаҳрвандони ин ҷумҳуриҳо метавонанд бе мамониат ва бидуни раводид ба Русия оян ва кору зиндагӣ кунанд.
Инчунин бо чунин ҳуҷҷат шаҳрвандон метавонанд боз ба ҷумҳуриҳои хуб бе мамониат баргарданд.
Маврид ба зикр аст, ки Русия амалиёти низомӣ дар Украинаро субҳи барвақти 24 феврал шуруъ кард. Раисҷумҳури Русия Владимир Путин ҳадаф аз онро “ҳимояти мардуме, ки тӯли ҳашт сол аз тарафи режими Киев мавриди тамасхур ва наслкушӣ қарор доштанд”, унвон кард.
Ситуация на границе Крыма с Украиной - Sputnik Тоҷикистон, 1920, 05.03.2022
Амалиёти вижаи Русия барои ҳимояи Донбасс: охирин хабарҳо
Президент: Нерӯи Русия ба ҳалли ҳадафҳои гузошташуда дар Украина мерасад
Ба ин манзур, ба гуфтаи ӯ, “ғайринизомисозӣ ва нозизудоии Украина”, таҳвили муҷримони ҷангии масъул дар “ҷиноёти хуношом алайҳи сокинони мулкӣ”-и Донбасс ба додгоҳ барномарезӣ шуд.
Бинобар баёнияи Вазорати дифои Русия, нерӯҳои ҳарбии ин кишвар танҳо зерсохтҳои низомию низомиёни Украинаро ҳадаф қарор медиҳанд ва ин амалиёт шаҳрвандони мулкиро таҳдид намекунад.
Бо ҳимояти нерӯҳои ҳавоии ФР ҳуҷуми гурӯҳҳои ҶХД ва ҶХЛ доман мегустарад. Ин ҷо ҳарф дар бораи забти Украина нест, гуфт раисҷумҳури Русия. Дар баробари амалиёт инчунин музокироти Русия ва Украина низ баргузор мешаванд, ки то ҳол ду даври он анҷом ёфта, интизор меравад, рӯзҳои наздик даври сеюмаш сурат гирад.
Лентаи хабарҳо
0