Снаряженные магазины от автомата Калашникова  - Sputnik Тоҷикистон, 1920
Амалиёти вижаи Русия барои ҳимояи Донбасс: охирин хабарҳо
Дар пасманзари зӯргӯиҳои мақомоти Киев алайҳи Донетску Луганск, Русия мустақилияти ин ҷумҳуриҳоро эътироф кард. Бо дархости роҳбарони ҶХЛ ва ҶХД, Владимир Путин, президенти Русия 24 феврал барои амалиёти вижаи ҳимоя аз Донбасс дастур дод, ки феълан идома дорад

Артиши Русия 14 ҳавопаймо, чархбол ва ҳавопаймоҳои бесарнишини украиниро сарнагун кард

Штурмовик Су-25, архивное фото - Sputnik Тоҷикистон, 1920, 07.03.2022
Обуна шудан
Yandex newsTelegram
Вазорати мудофиа гуфт, артиши Русия дар як рӯз теъдоди зиёде аз ҳавопаймо, чархбол ва ҳавопаймоҳои бесарнишинро сарнагун кард
ДУШАНБЕ, 7 мар — Sputnik. Нерӯҳои ҳавоӣ ва дифои ҳавоии Русия дар рӯзи душанбе 14 ҳавопаймо, чархбол ва ҳавопаймоҳои бесарнишини Украина, аз ҷумла "Байрактар"-ро сарнагун карданд. Дар ин бора генерал-майор Игор Конашенков, сухангӯи Вазорати дифои Русия ба РИА "Новости" хабар дод.

"Шаби гузашта ҳавопаймоҳои ҷангии нерӯҳои ҳавоӣ-кайҳонӣ ва дифои ҳавоии низомии Русия боз се Су-27-и нерӯҳои ҳавоии Украина дар вилояти Полтава, як Су-25 дар вилояти Гостомел ва ду чархболи Ми-24 дар вилояти Макаровро суқут доданд. Ҳамчунин ҳашт ҳавопаймои бесарнишин, аз ҷумла "Байрактар ​​ТБ-2" низ маҳв шуд", - гуфт генерал.

Вай гуфт, ки се системи мушакии зиддиҳавоии "Бук" М1 ва ду истгоҳи радиолокатории қувваҳои мусаллаҳи Украина аз тариқи ҳавопаймоҳои бомбандоз ва ҳамлаи заминӣ нобуд шуданд.
Русия рӯзи 24 феврал амалиёти низомӣ дар Украинаро оғоз кард. Путин ҳадафи онро "ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд."
Ба ин манзур, ба гуфтаи ӯ, “ғайринизомисозӣ ва нозизудоии Украина”, таҳвили муҷримони ҷангии масъул дар “ҷиноёти хуношом алайҳи сокинони мулкӣ”-и Донбасс ба додгоҳ барномарезӣ шуд.
Ситуация на польско-украинской границе - Sputnik Тоҷикистон, 1920, 07.03.2022
Амалиёти вижаи Русия барои ҳимояи Донбасс: охирин хабарҳо
Русия сукут эълон ва долонҳои кумакҳои башардӯстонаро аз Киев боз мекунад
Бинобар баёнияи Вазорати дифои Русия, нерӯҳои ҳарбии ин кишвар танҳо зерсохтҳои низомию низомиёни Украинаро ҳадаф қарор медиҳанд ва ин амалиёт шаҳрвандони мулкиро таҳдид намекунад.
Бо ҳимояти нерӯҳои ҳавоии ФР ҳуҷуми гурӯҳҳои ҶХД ва ҶХЛ доман мегустарад. Ин ҷо ҳарф дар бораи забти Украина нест, гуфт раисҷумҳури Русия. Дар баробари амалиёт инчунин музокироти Русия ва Украина низ баргузор мешавад, ки то ҳол ду даври он анҷом ёфта, интизор меравад, рӯзҳои наздик даври сеюмаш сурат гирад.
Лентаи хабарҳо
0