Карзай: ИМА омили бадбахтии мардуми Афғонистон шудааст

© Sputnik / P. MamaghaniБывший президент афганистана Хамид Карзай
Бывший президент афганистана Хамид Карзай - Sputnik Тоҷикистон, 1920, 11.03.2022
Обуна шудан
Yandex newsTelegram
Яке аз чеҳраи шинохтаи сиёсии Афғонистон ва раисҷумҳури собиқи ин кишвар ҳузури бистсолаи низомиёни Амрикоро дар он кишвар омили ақибмондагӣ ва бадбахтии мардуми кишвараш донист
ДУШАНБЕ, 11 мар — Sputnik. Ҳамид Карзай, раисҷумҳури пешини Афғонистон гуфт, Амрико бо ҳузури низомиаш дар 20 соли гузашта дар Афғонистон боиси дарди сари бузурге барои мардуми Афғонистон шудааст, иттилоъ додааст хабаргузории “Садои афғон”.
Ба гуфтаи вай, амрикоиҳо бо шиори мубориза бо терроризм ба Афғонистон ҳамла карданд, аммо кор баръакс шуду аз террористҳо ҳимоят карданд.
Раисҷумҳурии пешини Афғонистон ҳамчунин пардохти бахше аз дороиҳои Афғонистон ба қурбониёни ёздаҳуми сентябр аз тарафи Амрикоро ғайриодилона, золимона ва нодуруст хонд ва гуфт, Амрико бояд ин дороиҳоро ба мардуми Афғонистон баргардонад.
Женщина с ребенком во время эвакуации в Кабуле  - Sputnik Тоҷикистон, 1920, 07.03.2022
Афғонистон бо болотарин мизони маргумири модарон дар Осиё
“Ҳоло Афғонистон ба далели таҳримҳо ва мусодираи дороиҳои ин кишвар аз тарафи Амрико бо буҳрони инсонӣ ва иқтисодӣ мувоҷеҳ шудааст”, - гуфт оқои Карзай.
Ёдовар мешавем, ки Амрико ва муттаҳидонаш дар соли 2001 бо баҳонаи мубориза бо терроризм ва таъмини амният дар Афғонистон ба ин кишвар ҳамла карданд ва ин раванд боиси ҷанг, даргирӣ ва нобудии зербиноҳои иқтисодии Афғонистон шудаву ноамнӣ, терроризм ва тавлиди маводи мухаддир ҳам афзоиш ёфтааст.
Дар ниҳоят низомиёни амрикоӣ пас аз 20 соли ишғолгарӣ, авохири моҳи августи соли 2021 аз Афғонистон хориҷ шуданд.
Лентаи хабарҳо
0