Пограничник на смотровой вышке на границе Кыргызстана. Архивное фото - Sputnik Тоҷикистон, 1920
Вазъ дар марзи Тоҷикистону Қирғизистон
Хабарҳои бештар аз танишу созишҳои марзӣ миёни Тоҷикистону Қирғизистон

"Сагро нишон гирифтаанду ба хонаи сокини Исфара расидаанд": тавзеҳи тирпаронии марзӣ

© Sputnik Автомат Калашникова, архивное фото
Автомат Калашникова, архивное фото - Sputnik Тоҷикистон, 1920, 14.03.2022
Обуна шудан
Yandex newsTelegram
Эксклюзив
Ҷониби Қирғизистон тирпаронии ахири марзиро, ки тайи он якчанд тир ба хонаи сокини ҷамоати Чоркӯҳи шаҳри Исфара расидааст, тасодуфӣ хондааст
ДУШАНБЕ, 14 мар – Sputnik. Мақомоти Қирғизистон гуфтаанд, чанд тире, ки ба дарахтону девори хонаи сокини деҳаи Сомониёни шаҳри Исфара расидаанд, барои нобуд кардани як саги дайду шиллик шудаанд.
Абдунаим Абдуллоев, соҳиби хонае, ки ҳадафи марзбонҳои қирғиз қарор гирифтааст, ба Sputnik Тоҷикистон гуфт, ҳодиса пеш аз зуҳри 13 март, замоне ки кӯдаконаш дар ҳавлӣ машғули бозӣ буданд, рӯх дод.

"Он вақт ман машғули кор дар саҳро будам, ки ҳамсарам дар ин бора бароям хабар расонд. Фарзандонам рӯи ҳавлӣ бозӣ мекарданд, хушбахтона, тирҳо ба аъзои оилаам нарасиданд”, – гуфт Абдуллоев.

Манбаъ аз шаҳрдории Исфара бо таъйиди ин ҳодиса ба Sputnik Тоҷикистон изҳор кард, ки фавран қазияро бо марзбонҳои қирғиз дар миён гузоштаанд.
"Мақомоти сарҳадбонии кишвари ҳамсоя гуфтаанд, ки сарбозону афсарон он вақт ба парондани саг машғул шудаанд, ки чанд дона тири шилликшуда ба хонаи сокини деҳаи Сомониён расидааст”, – гуфт мусоҳиб.
Ин дар ҳолест, ки 12 март дар пайи мулоқоти 7-соатии фармондеҳони марзбонии ду кишвар санаде имзо шуд, ки бар асоси он, истифодаи силоҳ дар марз ба ҷузъ ҳолатҳои махсус мамнуъ мебошад.
Имзои созишномаи нав миёни Тоҷикистону Қирғизистон пас аз таниши марзӣ - Sputnik Тоҷикистон, 1920, 12.03.2022
Вазъ дар марзи Тоҷикистону Қирғизистон
Музокироти 7-соатаи намояндагони Тоҷикистону Қирғизистон: ба чӣ тавофуқ расиданд?
Мақомоти ду кишвар ҳадафи гуфтушунидро пешгирӣ аз муноқишаҳои марзӣ ва таъмини амнияти сокинони наздисарҳадӣ арзёбӣ кардаанд.
Таниши ахир дар марз субҳи рӯзи 10-уми март сар зад, ки дар пайи тирпаронии марзбонони қирғиз дар Чоркӯҳ марзбони тоҷик Сунатулло Самадов кушта шуд. Ҳамчунин шаби 11 март низ аз тарафи марзбонони қирғиз ҷониби хонаҳои тоҷикон оташ кушода шуд, ки мақомот онро тасдиқ карданд.
Тоҷикистону Қирғизистон беш аз 980 километр марзи муштарак доранд, ки феълан ҳудуди 520 километри он муайян шудааст.
Лентаи хабарҳо
0