Снаряженные магазины от автомата Калашникова  - Sputnik Тоҷикистон, 1920
Амалиёти вижаи Русия барои ҳимояи Донбасс: охирин хабарҳо
Дар пасманзари зӯргӯиҳои мақомоти Киев алайҳи Донетску Луганск, Русия мустақилияти ин ҷумҳуриҳоро эътироф кард. Бо дархости роҳбарони ҶХЛ ва ҶХД, Владимир Путин, президенти Русия 24 феврал барои амалиёти вижаи ҳимоя аз Донбасс дастур дод, ки феълан идома дорад

Мединский раванди музокирот бо Украинаро баҳогузорӣ кард

© Sputnik / Рамиль Ситдиков / Гузариш ба медиабонкXVI Съезд политической партии "Единая Россия". День первый
XVI Съезд политической партии Единая Россия. День первый - Sputnik Тоҷикистон, 1920, 16.03.2022
Обуна шудан
Ёвари раисҷумҳури Русия мегӯяд, ҳадафи давлат барқарорсозии ҳарчи зудтари субот дар Украина мебошад
ДУШАНБЕ, 16 мар — Sputnik. Музокирот бо Украина оҳиста ва сангин ҷараён дорад, изҳор дошт Владимир Мединский, ёвари раисиҷумҳур ва роҳбари ҳайати Русия дар ин гуфтушунидҳо.
Ӯ таъкид намудааст, ки ҷониби Русия сидқан талош дорад, ҳар чи зудтар сулҳ барқарор шавад.

"Гуфтушунидҳо оҳиста ҷараён доранд. Албатта, мо мехоҳем, ки ҳама зудтар сурат гирад. Ҷониби Русия сидқан хоҳони ҳарчи зудтари сулҳ мебошад", - изҳор дошт Мединский.

Вай илова намуд, ки вазифаи асосии гурӯҳи музокиракунанда ёфтани нукоти мавриди созиши тарафайн мебошад ва оҳиста-оҳиста даст ёфтан ба натиҷаи ниҳоист.
Ёвари раисҷумҳур гуфт, намехоҳад дар мушкилот тамаркуз кунад, ки зимни музокирот пайдо мешаванд.
"Вазифаеро, ки президент гузоштааст, ин даст ёфтан ба сулҳ дар сарзамини Украина мебошад. Ҳамчун кишвари нейтралӣ, дӯст, ки пойгоҳи НАТО набошаду ба постгоҳи нерӯҳое табдил наёбад, ки мехоҳанд ба давлатамон зиён расонанд", - илова намуд Мединский.
Спикер Государственной думы РФ Сергей Нарышкин. - Sputnik Тоҷикистон, 1920, 16.03.2022
Амалиёти вижаи Русия барои ҳимояи Донбасс: охирин хабарҳо
Наришкин: Русия ақибнишинӣ намекунад, тақдираш ҳал шуда истодааст
Сергей Лавров, вазири умури хориҷии Русия низ ахиран гуфт, айни ҳол мақоми нейтралии Украина дар ҳамбастагӣ бо талаботи Маскав барои кафолати амниятӣ ба таври ҷиддӣ барасӣ шуда истодаанд.
Вай таъкид намудааст, ки дар Украина набояд он навъи силоҳҳое бошанд, ки ба Русия таҳдид мекунанд. Маскав омодааст, он навъи силоҳҳоеро мувофиқа кунад, ки барои Русия хатар надоранд.
Гуфтушунидҳо миёни Маскав ва Киев ҳамзамон бо амалиёти низомии Русия дар Украина сурат мегирад, ки 24 феврал оғоз шуда, феълан идома дорад.
Лентаи хабарҳо
0