Тоҷикистону UNHCR масъалаи паноҳандагони афғонистониро баррасӣ карданд

© МИД РТГлава МИД РТ провел встречу с главой UNHCR
Глава МИД РТ провел встречу с главой UNHCR - Sputnik Тоҷикистон, 1920, 18.03.2022
Обуна шудан
Yandex newsTelegram
Вазири хориҷаи Тоҷикистон ва комиссари олии Созмони Милалии Муттаҳид масоили марбут ба Афғонистонро баррасӣ намуданд
ДУШАНБЕ, 18 мар – Sputnik. Сироҷиддин Муҳриддин, вазири хориҷаи Тоҷикистон дар шаҳри Душанбе бо Филиппо Грандӣ, комиссари олии Созмони Милалии Муттаҳид масаълаи паноҳандагони афғонистониро, ки имрӯзҳо дар Тоҷикистон ба сар мебаранд, баррасӣ намуданд, иттилоъ додааст дафтари матбуотии Вазорати хориҷа.
Тибқи иттилои манбаъ, ҳамчунин ҷонибҳо масоили марбут ба Афғонистонро муҳокима карданд.

“Тарафҳо дар робита ба мусоидат ба паноҳандагон, масоили марбут ба Афғонистон ва дигар масъалаҳои мавриди эҳтимоми муштарак табодули назар карданд”, - қайд кардааст манбаъ.

Ёдовар мешавем, қаблан Сироҷиддин Муҳриддин гуфта буд, ки дар қаламрави Тоҷикистон 3 ҳазор оилаи афғон ва дар маҷмуъ ҳудуди 15 ҳазор гуреза ба сар мебарад.
Переговоры главы МВД РТ и высшего Коммисара ООН по делам беженцев  - Sputnik Тоҷикистон, 1920, 17.03.2022
СММ нақши Тоҷикистон дар ҳалли мушкилоти гурезаҳоро муҳим арзёбӣ кард
Дар давраи нооромӣ дар Афғонистон Тоҷикистон қаламрави худро ба шарикони хориҷӣ барои фиристодани шаҳрвандони хориҷӣ ва шаҳрвандони Афғонистон ба кишварҳои сеюм пешниҳод намуда буд.
Бояд гуфт, комиссари олии Созмони Милалии Муттаҳид дар умури паноҳандагон (UNHCR) Филиппо Грандӣ бо сафари корӣ вориди Душанбе шудааст. Номбурда зимни сафари худ ба мақомоти олии кишвар дидору гуфтугӯ хоҳад кард.
Лентаи хабарҳо
0