Парлумон аз Раҳмон хост, аз вуруди дорую ғизои пастсифат пешгирӣ кунад

© Sputnik Куриное мясо на рынке
Куриное мясо на рынке - Sputnik Тоҷикистон, 1920, 22.03.2022
Обуна шудан
Yandex newsTelegram
Саломатии аҳолӣ аз мавзуъҳои меҳварии ҳисоботи додситони кулли Тоҷикистон ба палатаи болоии парлумони кишвар буд
ДУШАНБЕ, 22 мар — Sputnik. Рустами Эмомалӣ, раиси Маҷлиси миллии Тоҷикистон бо имзои як қарор Юсуф Раҳмон, додситони кулли кишварро музваззаф кардаст, ки барои ҳифзи саломатии аҳолӣ ва ҳолати беҳдоштӣ тадбирандешиҳоро тақвият диҳад.
"Бо мақсади таъмини ҳифзи саломатии аҳолӣ, беҳдошти санитарию эпидемиологӣ ва амнияти озуқаворӣ якҷо бо мақомоти ваколатдори давлатӣ барои пешгирии воридот, истеҳсол ва фурӯши маҳсулоти хӯрокаю дорувории бесифат, қалбакӣ ва муҳлати истифодабариашон гузашта тадбирҳои муассирро амалӣ гардонад", - омадааст дар ин қарор.
Ин дастур дар пайи гузориши додситони кулли Тоҷикистон ба парлумони кишвар дар ҷаласаи ахир қабул гардид.
Денежные купюры и монеты. - Sputnik Тоҷикистон, 1920, 22.03.2022
Дастури Рустами Эмомалӣ барои ҷилавгирӣ аз болоравии беасоси қурби асъор
Юсуф Раҳмон дар ҳисоботаш ба Маҷлиси миллӣ изҳор кард, ки ҳолатҳои зиёди ба фурӯш баровардани маҳсулоти хӯроквории пастсифат, муҳлати истеъмол ва истифодабариашон гузаштаро дар як соли охир ошкор кардаанд.
Ӯ аз ҷумла як ҳолат дар ноҳияи Спитаменро зикр намудаст, ки соҳибкор аз хориҷи кишвар зиёда аз 16 ҳазор кило гӯшти мурғ ва қариб 2 ҳазор кило гӯшти қиммаи воридоташ мамнуъро ба фурӯш гузоштааст.
Инчунин таъкид шудаст, ки соҳибкори дигаре дар Хуҷанд гӯшти мурғи пастсифату истеъмолаш хатарнокро ба фурӯш бароварда, дар натиҷаи сари он 40 нафар заҳролуд шудаанд.
Додситон афзуд, дар маҷмуъ тайи як соли охир аз рӯи қонуншиканиҳо дар ин бахш нисбати шахсони гунаҳкор 237 парвандаи ҷиноятӣ оғоз ва 2690 нафар ба ҷавобгарии маъмурӣ кашида шуданд.
Лентаи хабарҳо
0