Рӯзи аввали Қаҳрамонии велосипедронӣ дар Душанбе чӣ гуна мегузарад: тафсилот

© Sputnik Веломарафон в Душанбе
Веломарафон в Душанбе - Sputnik Тоҷикистон, 1920, 23.03.2022
Обуна шудан
Yandex newsTelegram
Ҷадвали рӯзи аввали мусобиқаи велосипедронии Осиё, ки дар шаҳри Душабе сурат мегирад, маълум шуд
ДУШАНБЕ, 23 мар — Sputnik. Душанбе мизбони Қаҳрамонии велосипедронии Осиё мешавад. Ба ин хотир муддати панҷ рӯз (аз 25 то 27 ва аз 28 то 30 март) аксари роҳҳои мошингарди пойтахт масдуд мешаванд.
Торнамои "Варзиш" ҷадвали рӯзи аввали ин мусобиқаро нашр намудааст. Ба гузориши манбаъ, дар рӯзи якуми мусобиқа веломарафони параолимпӣ баргузор мешавад, ки 12 дастаро дар сабқатҳои 24-километрӣ ба ҳам меорад.
Сабқатҳои даставӣ миёни мардон соати 10:00-и рӯзи 25-уми март аз майдони “Дӯстӣ”-и шаҳри Душанбе оғоз шуда, соати 11:30-и ҳамин рӯз дар майдони “Дӯстӣ” маросими ҷоизасупории он баргузор мешавад.
Машина милиции в Душанбе, архивное фото - Sputnik Тоҷикистон, 1920, 22.03.2022
Эълони панҷ рӯзи роҳбандӣ дар Душанбе
Сабқатҳои даставӣ миёни бонувон дар масофаи 24 километр, соати 12:00-и рӯзи 25 баргузор мешаванд. Дар ин сабқат ҳашт даста иштирок намуда, маросими ҷоизасупории он соати 13:30 дақиқа сурат мегирад.
Ҳамчунин сабқатҳои инфиродии 24-километрии миёни бонувон ва параолимпичиёни мард соати 14:00 ва 14:30 оғоз гардида, маросими ҷоизасупории соати 16:30 дар майдони “Дӯстӣ” дар назар аст.
Роҳбандӣ дар Душанбе: кадом масир ва то кай баста мешавад
Илова бар ин сабқатҳои инфиродии 15-километрии миёни бонувон ва мардон соати 15:30 оғоз гардида, маросими ҷоизасупории он соати 16:30 дар майдони “Дӯстӣ” сурат хоҳад гирифт.
Маврид ба зикр аст, ки дар Қаҳрамонии Осиё дар риштаи дучархаронӣ, ки аз 25 то 30 март баргузор мешавад, иштироки 428 намоянда аз 27 давлати қора дар назар аст.
Лентаи хабарҳо
0