Шикасти Тоҷикистон аз тими Того дар Туркия

Футбол, архивное фото - Sputnik Тоҷикистон, 1920, 25.03.2022
Обуна шудан
Yandex newsTelegram
Дар нахустин бозияш тими миллии ҷавонони то 23-солаи Тоҷикистон дар доираи ҳамоиши тамринотӣ дар Туркия аз тими Того шикаст хӯрд
ДУШАНБЕ, 25 мар — Sputnik. Рақиби нахустини тими олимпии Тоҷикистон (U-23) дар ҳамоиши тамринии Анталия дастаи Того шуд.
Дар ин бора Федератсияи футболи Тоҷикистон хабар дода, афзуд, ки бозии ҷавонони Тоҷикистону Того бо ҳисоби 0:1 ба фоидаи тими африқоӣ анҷом ёфт.
Таъкид шудааст, ки шогирдони Мубин Эргашев дар ин сабқат ҳунарнамоии хуб нишон додаанд.
Дастаи Тоҷикистон дар Анталия 2 бозии дигарро анҷом хоҳад дод. Рӯзи 26 март бозӣ бо мунтахаби Урдун ва 3 рӯз баъд сабқат бо тими Кувейт дар назар аст.
Бозӣ бо дастаи Афғонистон, ки 29 март дар нақша буд, ба иттилои Федератсияи футболи Тоҷикистон, лағв гардидааст.
Аслиддин Хабибуллоев - новый главный тренер команды Хатлон - Sputnik Тоҷикистон, 1920, 22.03.2022
Мураббии "Хатлон" сирри муваффақияти аҷиби дастаро ошкор кард
Зикр шудаст, ки ҳамоиши тамринотии мазкур дар доираи омодагиҳо ба Ҷоми Осиё-2022 сурат мегирад.
Сабқат барои Ҷоми Осиё-2022 дар Ӯзбекистон аз 1 то 19 июн баргузор мешавад. Дастаи мунтахаби олимпии Тоҷикистон (U-23) дар гурӯҳи "D" бо Имороти Муттаҳидаи Арабӣ, Ҷопон ва Арабистони Саудӣ бозӣ хоҳад кард.
Дар ҳайати тими олимпии Тоҷикистон, ки то 23-солаҳоро дар бар мегирад, Далер Азизов, Муҳаммадҷон Насков, Алишер Баротов, Парвиз Боқиев, Ҷонибек Шарипов, Далер Ёдгоров, Сорбон Авғонов, Амадонӣ Камолов, Шуҳрат Элмуродов, Шарифбек Раҳматов, Нуриддин Ҳамроқулов бозӣ мекунанд.
Лентаи хабарҳо
0