Снаряженные магазины от автомата Калашникова  - Sputnik Тоҷикистон, 1920
Амалиёти вижаи Русия барои ҳимояи Донбасс: охирин хабарҳо
Дар пасманзари зӯргӯиҳои мақомоти Киев алайҳи Донетску Луганск, Русия мустақилияти ин ҷумҳуриҳоро эътироф кард. Бо дархости роҳбарони ҶХЛ ва ҶХД, Владимир Путин, президенти Русия 24 феврал барои амалиёти вижаи ҳимоя аз Донбасс дастур дод, ки феълан идома дорад

Қодиров: Ҷаҳони ислом аз Русия ҳимоят кард

© Пресс-служба главы Чеченской Республики / Гузариш ба медиабонкСборы военных в Грозном
Сборы военных в Грозном - Sputnik Тоҷикистон, 1920, 26.03.2022
Обуна шудан
Президенти Чеченистон мегӯяд, дар ҳоле бархе кившарҳо алайҳи Русия аз таҳримот кор гирифтаанд, ҷаҳони ислом аз ин кишвар ҳимоят кардааст
ДУШАНБЕ, 26 мар — Sputnik. Кишварҳои ҷаҳон, ки аҳолии мусалмонашон бештар мебошанд, ба таҳримот алайҳи Русия пайваст нашуданд, изҳор дошт президенти Чеченистон, Рамазон Қодиров.
Ӯ дар саҳифааш дар "Telegram" далели ин иқдомро ҷонибдории мусалмонҳо аз ҳақиқат арзёбӣ кардаст.

"Бароям чун мусалмон хурсандиовар аст, ки тамоми ҷаҳони Ислом Русияро дар мубориза бо бадӣ пуштибонӣ кард. Ҳич кишваре, ки аксари аҳолияш мусалмонанд, ба таҳрими Русия пайваст нашуд", - навишт раҳбари Чеченистон.

Вай аз номи ҳудуди 30 млн. мусалмони Русия барои кишварҳои мусалмоннишине, ки таҳрим ҷорӣ накарданд, изҳори миннатдорӣ намуд.
Дар зимн Рамазон Қодиров таъкид намудаст, ки Ҷо Байден, роҳбари ИМА "гарчанде симои инсонӣ дорад, сиёсати шайтониро пеш бурда истодааст".
"Ифтихор дорам, мусалмонаму мушоҳида мекунам, ки мусалмонҳо мавқеи якмаром алайҳи Ғарбро баён карданд. Барои ин ҳар қадаре Байден ва думравонаш ба Киев кумак кунанд ҳам, мо дар Украина ҳатто бӯи миллатгароӣ, бандерӣ ва шайтонҳоро боқӣ намемонем", - илова намудаст Қодиров.
Калибр и Оникс в деле: российские военные уничтожили склад с боеприпасами ВСУ

 - Sputnik Тоҷикистон, 1920, 26.03.2022
"Калибр" ва "Оникс" анбори силоҳу сӯзишворӣ дар Украинаро нобуд карданд - видео
Маврид ба зикр аст, ки Русия рӯзи 24 феврал амалиёти низомӣ дар Украинаро оғоз кард. Президент Владимир Путин ҳадафи онро "ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд".
Ба ин манзур, ба гуфтаи ӯ, “ғайринизомисозӣ ва нозизудоии Украина”, таҳвили муҷримони ҷангии масъул дар "ҷиноёти хуношом алайҳи сокинони мулкӣ"-и Донбасс ба додгоҳ барномарезӣ шуд.
Бинобар баёнияи Вазорати дифои Русия, нерӯҳои ҳарбии ин кишвар танҳо зерсохтҳои низомию низомиёни Украинаро ҳадаф қарор медиҳанд ва ин амалиёт шаҳрвандони мулкиро таҳдид намекунад.
Бо ҳимояти нерӯҳои ҳавоии ФР ҳуҷуми гурӯҳҳои ҶХД ва ҶХЛ доман мегустарад. Ин ҷо ҳарф дар бораи забти Украина нест, гуфт раисҷумҳури Русия. Дар баробари амалиёт инчунин музокироти Русия ва Украина низ ҷараён дорад.
Лентаи хабарҳо
0