Врачи - Sputnik Тоҷикистон, 1920, 07.07.2021
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Шанхай бинобар авҷи коронавирус баста шуд

© REUTERS / ALY SONGПандемия коронавируса COVID-19. Пустые улицы одной из "финансовых столиц мира" - города Шанхая, Китай.
Пандемия коронавируса COVID-19. Пустые улицы одной из финансовых столиц мира - города Шанхая, Китай.  - Sputnik Тоҷикистон, 1920, 28.03.2022
Обуна шудан
Yandex newsTelegram
Дар бузургтарин шаҳри Чин ба хотири пешгирӣ аз паҳншавии бемории коронавирус маҳдудиятҳои сартосарӣ шуд
ДУШАНБЕ, 28 мар — Sputnik. Дар пасманзари хуруҷи навбатии коронавирус дар Шанхай локдаун эълон шуд.
Ин тадобир баъди он рӯи даст гирифта шуд, ки дар шаҳре, ки 25 миллион аҳолӣ дорад, 3 454 ҳолати гирифторӣ ба коронавирус бидуни ягон аломат сабт гардид. Илова бар ин 50 мавриди сироятшавӣ миёни сокинони маҳаллӣ ва ҳамчунин 10 ҳолати воридотии COVID-19 ба қайд гирифта шуд.
Тибқи нақшаи мақомот, қарантин барои гузаронидани 2 даври ташхиси оммавӣ ва пешгирии паҳншавии минбаъдаи ин беморӣ зарур аст. Он дар ду давра: якум аз 28 март то 1 апрел дар минтақаҳои шарқӣ ва ҷанубӣ ва даври дуюм, аз 1 то 5 апрел дар ҳудуди ғарбии он гузаронида мешавад.
Главный государственный санитарный врач РФ Анна Попова - Sputnik Тоҷикистон, 1920, 28.03.2022
Раиси "Роспотребнадзор" гуфт, пандемияи коронавирус поён наёфтааст
Гуфта мешавад, дар замони эълони локдаун нақбу пулҳо баста шуда, ҳаракати нақлиёти хусусӣ ва ҷамъиятӣ комилан масдуд мешавад.
Илова бар ин тамоми ширкату корхонаҳо дуркорӣ мекунанд.
Ба сокинони Шанхай амр дода шудааст, ки дар хона бимонанд. Ба гуфтаи мақомот, маҳсулоти заруриро метавон тавассути интернет фармоиш дод.
Биолог гуфт, кай мавҷи нави коронавирус дар Русия сар мезанад
Дар ҳамин ҳол Фурудгоҳи Байналмилалии Пудун, ки дар наздикии шаҳр ҷойгир аст, кори худро идома медиҳад, аммо аз мусофирон хоҳиш карда мешавад, аз ширкатҳои ҳавопаймоӣ дар бораи вазъи парвозҳояшон пешакӣ хабар диҳанд.
Ёдовар мешавем, ки Чин сиёсати “таҳаммулнопазирии сифр” ба коронавирусро пеш гирифтааст. Рӯзҳои охир дар ин кишвар дар як рӯз тақрибан 1,2 ҳолати беморшавӣ ба қайд гирифта шудааст.
Лентаи хабарҳо
0