https://sputnik.tj/20220329/general-nazarzoda-badakhshon-sarmoyai-zehni-1047154937.html
Тавсифи генерал Назарзода аз ҷавонони Бадахшон: Дорои сармояи бузурги зеҳниянд
Тавсифи генерал Назарзода аз ҷавонони Бадахшон: Дорои сармояи бузурги зеҳниянд
Sputnik Тоҷикистон
Сардори навтаъйини мақомоти умури дохилии Вилояти мухтори куҳистони Бадахшон бо ҷавонони вилоят дар шаҳри Хоруғ мулоқот кард
2022-03-29T11:28+0500
2022-03-29T11:28+0500
2022-03-29T12:24+0500
амният ва мудофиа
назорати тартибот
вмкб
ҷавонон
шариф назарзода
сардор
раёсати умури дохила
хоруғ
https://cdnn1.img.sputnik.tj/img/102414/45/1024144593_0:0:1877:1057_1920x0_80_0_0_5f4f497cf7583d96447a33fc464d5c56.jpg
ДУШАНБЕ, 29 мар — Sputnik. Таъмини тартиботи ҷамъиятӣ ва таҳкими ҳамкорӣ бо милиса аз мавзуъҳои меҳварии мулоқоти генерал Шариф Назарзода, сардори Раёсати умури дохилии ВМКБ бо донишҷӯёни Донишгоҳи давлатии Хоруғ буд. Дар ин бора бо нашри як иттилоия Раёсати умури дохилии ВМКБ хабар дод. Ба иттилои манбаъ, Назарзода таҳкими ҳамкории мақомоти милисаи вилоят бо аҳолиро дар ҳоле ки равандҳои хатарзо дар минтақаю ҷаҳон ҷой доранд, муҳим хондаст. Ҳамчунин генерал дар мавриди роҳҳои пешгирии аъмоли номатлуб, мубориза бо ҷинояткорӣ, таъмини волоияти қонун дар ҷомеа, ба ҷавобгарӣ ҷалб намудани ашхоси ҷинояткор ва таъмини адолати иҷтимоӣ, доғдор накардани ояндаи ҷавонон изҳори назар кардаст. Иҷрои қонун дар бораи масъулияти падару модар, аз байн бурдани маҳалгароӣ аз мавзуъҳои дигари мулоқот будаанд. Сардори Раёсати умури дохилии ВМКБ таъкид намудаст, ки ҷавонони вилоят дорои сармояи бузурги зеҳнӣ мебошанд. Вай муҳим хондаст, ки ин зарфият барои ободию хештаншиносӣ ва ҳифзи марзу бум равона карда шавад. Инчунин дар мулоқот ба донишҷӯёне, ки интизоми намунавӣ доранду дар таъмини тартиботи ҷамъиятӣ саҳмгузоранд, сипоснома ва туҳфаҳо тақдим шудаанд. Қобили зикр аст, ки 24-уми феврал дар мувофиқа бо президенти Тоҷикистон Эмомалӣ Раҳмон генерал-лейтенанти милитсия Назарзода Шариф Раҳмон, сардори раёсати ВКД Тоҷикистон дар вилояти Мухтори Кӯҳистони Бадахшон таъйин гардид. Таъйиноти ӯ дар пасманзари нооромиҳо ва ҳамоишҳои эътирозии моҳи ноябр дар Хоруғ сурат гирифт. Назарзода дар мулоқотҳояш бо сокинони Вилояти Мухтори Кӯҳистони Бадахшон изҳор дошт, ки дар фаъолияташ такя ба мардум мекунад.
https://sputnik.tj/20220328/javonon-shughnon-hukumat-askari-1047138799.html
вмкб
хоруғ
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тавсиф, ҷавонон, генерал, назарзода, вмкб
тавсиф, ҷавонон, генерал, назарзода, вмкб
Тавсифи генерал Назарзода аз ҷавонони Бадахшон: Дорои сармояи бузурги зеҳниянд
11:28 29.03.2022 (Навсозишуда: 12:24 29.03.2022) Сардори навтаъйини мақомоти умури дохилии Вилояти Мухтори Кӯҳистони Бадахшон бо ҷавонони ин вилоят дар шаҳри Хоруғ мулоқот кард
ДУШАНБЕ, 29 мар — Sputnik. Таъмини тартиботи ҷамъиятӣ ва таҳкими ҳамкорӣ бо милиса аз мавзуъҳои меҳварии мулоқоти генерал Шариф Назарзода, сардори Раёсати умури дохилии ВМКБ бо донишҷӯёни Донишгоҳи давлатии Хоруғ буд.
Дар ин бора бо нашри як иттилоия Раёсати умури дохилии ВМКБ хабар дод.
Ба иттилои манбаъ, Назарзода таҳкими ҳамкории мақомоти милисаи вилоят бо аҳолиро дар ҳоле ки равандҳои хатарзо дар минтақаю ҷаҳон ҷой доранд, муҳим хондаст.
Ҳамчунин генерал дар мавриди роҳҳои пешгирии аъмоли номатлуб, мубориза бо ҷинояткорӣ, таъмини волоияти қонун дар ҷомеа, ба ҷавобгарӣ ҷалб намудани ашхоси ҷинояткор ва таъмини адолати иҷтимоӣ, доғдор накардани ояндаи ҷавонон изҳори назар кардаст.
Иҷрои қонун дар бораи масъулияти падару модар, аз байн бурдани маҳалгароӣ аз мавзуъҳои дигари мулоқот будаанд.
Сардори Раёсати умури дохилии ВМКБ таъкид намудаст, ки ҷавонони вилоят дорои сармояи бузурги зеҳнӣ мебошанд. Вай муҳим хондаст, ки ин зарфият барои ободию хештаншиносӣ ва ҳифзи марзу бум равона карда шавад.
Инчунин дар мулоқот ба донишҷӯёне, ки интизоми намунавӣ доранду дар таъмини тартиботи ҷамъиятӣ саҳмгузоранд, сипоснома ва туҳфаҳо тақдим шудаанд.
Қобили зикр аст, ки 24-уми феврал дар мувофиқа бо президенти Тоҷикистон Эмомалӣ Раҳмон генерал-лейтенанти милитсия Назарзода Шариф Раҳмон, сардори раёсати ВКД Тоҷикистон дар вилояти Мухтори Кӯҳистони Бадахшон таъйин гардид. Таъйиноти ӯ дар пасманзари нооромиҳо ва ҳамоишҳои эътирозии моҳи ноябр дар Хоруғ сурат гирифт.
Назарзода дар мулоқотҳояш бо сокинони Вилояти Мухтори Кӯҳистони Бадахшон изҳор дошт, ки дар фаъолияташ такя ба мардум мекунад.
