Русия пеш аз муҳлат ваколаташро дар Шӯрои ҳуқуби башари СММ қатъ кард

© Sputnik / Владимир ТрефиловГосударственные флаги России и Украины.
Государственные флаги России и Украины. - Sputnik Тоҷикистон, 1920, 08.04.2022
Обуна шудан
Муовини намояндаи доимии Русия дар СММ дар бораи пеш аз муҳлат қатъ кардани ваколати Русия дар Шӯрои ҳуқуқи башари Созмони Милал хабар дод
ДУШАНБЕ, 8 апр — Sputnik. Геннадий Кузмин, муовини намояндаи доимии Русия дар Созмони милали Муттаҳид эълон кард, ки кишвараш пеш аз муҳлат ваколати худро дар Шӯрои СММ дар умури ҳуқуқи башар қатъ хоҳад кард.

"Русия қатъномаи қабулкардаи Маҷмаи умумии СММ дар бораи мутаваққиф кардани узвияти Русия дар Шӯрои ҳуқуқи башари СММ-ро як иқдоми ғайриқонунӣ ва дорои ангезаҳои сиёсӣ барои муҷозоти бераҳмонаи як кишвари соҳибистиқлоли узви СММ, ки сиёсати мустақили дохилию хориҷӣ дорад, медонад", - гуфт дипломати рус.

Ба гуфтаи вай, намояндагӣ аз 7 апрел иҷрои вазифаҳояшро дар ин шӯро қатъ мекунад.
Қатънома дар бораи мутаваққиф кардани узвияти Русия дар Шӯрои ҳуқуқи башари СММ-ро намояндагони 93 давлат ба ҷонибдорӣ, 24 кишвар мухолиф ва 58 кишвари дигар изҳори бетарафӣ карданд.
Министр иностранных дел РФ Сергей Лавров - Sputnik Тоҷикистон, 1920, 07.04.2022
Амалиёти вижаи Русия барои ҳимояи Донбасс: охирин хабарҳо
Лавров гуфт, Украина саъй дорад, музокирот бо Русияро халалдор созад
Ин санадро як гурӯҳи кишварҳои ғарбӣ омода карданд, ки дар миёни онҳо ИМА ва Украина низ ҳузур доранд.
Қаблан СММ дар бораи вазъи башарӣ дар Украина қатъномаи зидди Русияро қабул карда буд, ки дар он талаботи сиёсӣ аз Русия матраҳ буд. Дар ҳамин ҳол Маскав борҳо таъкид кардааст, ки ин созмон ҷиноятҳои миллатгароёни украинӣ алайҳи русҳо ва низомиёни асиршударо нодида мегирад.
Рӯзи 24 феврал Русия амалиёти низомӣ дар Украинаро оғоз кард. Президент Владимир Путин ҳадафи онро "ҳимояи одамоне номид, ки тӯли 8 сол таҳти таҳқиру наслкушии режими Киев қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунии Украина" анҷом шуда, ҳама масъулони "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
Спикер Государственной думы РФ Сергей Нарышкин. - Sputnik Тоҷикистон, 1920, 07.04.2022
Наришкин: НАТО мехоҳад Украинаро барои Русия мисли Афғонистон кунад
Музокироти Русия ва Украина дар пасманзари амалиёти вижаи Русия барои ҳифзи Донбасс рӯзи 28 феврал дар Беларус оғоз шуд. Ҷонибҳо се вохӯрии рӯ ба рӯ баргузор намуда, баъдан мулоқотҳо ба таври онлайнӣ идома ёфтанд.
Вохӯрии охирини рӯ ба рӯи ҳайатҳо 29 март дар Истанбул баргузор шуд. То ҳол ҷонибҳо натавонистанд ба пешрафте ноил шаванд.
Лентаи хабарҳо
0