Тоҷикистон дар Ҷоми Осиё-2022 Непалро голборон кард

© ФФТНациональная сборная Таджикистана по футзалу под руководством главного тренера Пайрава Вохидова одержала крупную победу над сборной Непала со счетом 11:1
Национальная сборная Таджикистана по футзалу под руководством главного тренера Пайрава Вохидова одержала крупную победу над сборной Непала со счетом 11:1 - Sputnik Тоҷикистон, 1920, 11.04.2022
Обуна шудан
Yandex newsTelegram
Мунтахаби футболи Тоҷикистон тими миллии Непалро бо ҳисоби бузург ширкаст дод
ДУШАНБЕ, 11 апр — Sputnik. Дастаи мунтахаби футзали Тоҷикистон таҳти раҳбарии сармураббӣ Пайрав Воҳидов дар даври дуюми мусобиқоти интихобии Ҷоми Осиё-2022 тими миллии Непалро шикаст дод.
Бозии яккачини кишварҳо дар Бишкек доир гашта, бо ҳисоби 11:1 ба фоидаи Тоҷикистон поён ёфт.
Дар ҳайати тими миллии Тоҷикистон Файзалӣ Сардоров хет-трик кард. Чаҳор бозигари дигар – Идрис Ёров, Умед Қӯзиев, Шавкат Ҳалимов ва Самандар Ризомов ба дарвозаи тими миллии Непал ду голӣ заданд.
Ягона голи яккачини Непалро Бишвас Паудел ба ҳадаф расонд.
Афганистан-Таджикистан на CAFA 2022 - Sputnik Тоҷикистон, 1920, 10.04.2022
Бозии мунтахаби футзали Тоҷикистону Афғонистон мусовӣ анҷом ёфт
Пагоҳ, 12 апрел дар даври ниҳоии мусобиқоти интихобии Ҷоми Осиё-2022 тими миллии Тоҷикистон бо тими миллии Ӯзбекистон бозӣ мекунад. Ин вохӯрӣ соати 10:00 ба вақти Душанбе оғоз мешавад.
Ёдовар мешавем, ки дастаи мунтахаби Тоҷикистон бозии ифтитоҳии худро дар марҳилаи интихобии Ҷоми футзали Осиё-2022 дар Бишкек бо тими Афғонистон мусовӣ анҷом дод. Вохӯрӣ бо ҳисоби 4:4 анҷом ёфт.
Мавриди зикр аст, ки марҳилаи интихобии Ҷоми Осиё-2022 дар минтақаи Марказӣ ва Ҷанубӣ дар Қирғизистон мегузарад.
Рақобатҳо аз 10 то 12-уми апрел бо ширкати ҳашт тими мунтахаб барпо мешаванд.
Тоҷикистон дар гурӯҳи "В" бо тимҳои мунтахаби Афғонистон, Непал ва Ӯзбекистон рақобат мекунад. Дар гурӯҳи "А" мунтахабҳои Эрон, Қирғизистон, Туркманистон ва Молдив вориди рақобат мешаванд
Тими мунтахаби Тоҷикистон дар риштаи футзал - Sputnik Тоҷикистон, 1920, 05.04.2022
Шикасти мунтахаби футзали Тоҷикистон аз Қирғизистон дар бозии дӯстона
Қобили зикр аст, ду дастаи пирӯз аз ин гурӯҳ ба финали Ҷоми Осиё-2022 роҳ меёбанд.
Ҳайати дастаи мунтахаби футзали Тоҷикистон барои ширкат дар мусобиқаи интихобии Ҷоми Осиё-2022 аз ин нафарон иборат аст:
Дарвозабонҳо: Фирӯз Бозмамадов ("Истиқлол"), Муродулло Алиқулов ("Амонатбонк");
Бозигарони майдон: Парвиз Раҳматов ("Кинггершайм", Фаронса), Рустам Ҳамидов ("Оқжетпес", Қазоқистон), Файзалӣ Сардоров, Муҳаммаҷон Шарифов, Некрӯз Алимаҳмадов, Бахтиёр Солиев, Идрис Ёров (ҳама – "Соро компания"), Иқбол Воситзода, Умед Қӯзиев, Шавкат Саломов, Дилшод Ҳалимов (ҳама - Сипар), Самандар Ризомов ("Истиқлол").
Лентаи хабарҳо
0