"Истиқлол" бозии дуюмашро низ дар Лигаи қаҳрамонҳои КФО бохт

© дафтари матбуотии ФФТБозии “Истиқлол” ва "Шарҷа"
Бозии “Истиқлол” ва Шарҷа - Sputnik Тоҷикистон, 1920, 12.04.2022
Обуна шудан
Yandex newsTelegram
Дастаи "Истиқлол"-и пойтахт бозии дуюмашро низ дар Лигаи қаҳрамонҳои Осиё-2022 бо шикаст анҷом дод ва ҳаводони футбол ба пирӯзии даста дар рақобати баъдӣ шубҳа доранд
ДУШАНБЕ, 11 апр — Sputnik. Қаҳрамони Тоҷикистон тими “Истиқлол”-и Душанбе бозии дуюмашро низ дар даври дуюми марҳилаи гурӯҳии Лигаи чемпионҳои КФО-2022 зидди "Шарҷа"-и Имороти Муттаҳидаи Арабӣ бохт.
Бозии дастаҳо шоми 11 апрел дар шаҳри Риёз, варзишгоҳи шоҳ Фаҳд барпо гардида, бо ҳисоби 1:2 поён ёфт.
Ягона голи ҷониби “Истиқлол”-ро капитани даста Манучеҳр Ҷалилов дар дақиқаи 29-уми бозӣ вориди дарвозаи ҳарифон кард.
Ду голи тими "Шарҷа"-ро Кайо Лукас Фернандес дар дақиқаи 54 ва Бернард Анисио дар дақиқаи 57 ба ҳадаф расониданд.
Национальная сборная Таджикистана по футзалу под руководством главного тренера Пайрава Вохидова одержала крупную победу над сборной Непала со счетом 11:1 - Sputnik Тоҷикистон, 1920, 11.04.2022
Тоҷикистон дар Ҷоми Осиё-2022 Непалро голборон кард
Маврид ба зикр аст, ки бозиро дар даври дуюми марҳилаи гурӯҳии Лигаи қаҳрамонҳои Осиё-2022 "Истиқлол" рӯзи 15 апрел бо пешсафи гурӯҳи "А"- дастаи "Ал-ҳилол"-и Арабистони Саудӣ доир мекунад.
Ин даста аз қавитаринҳо гуруҳ буда, дар оғози Лигаи қаҳрамонҳои Осиё-2022 пайи ҳам ду пирӯзӣ ба даст овардааст ва табиист, ки барои "Истиқлол" бозӣ бо чунин ҳариф мушкил хоҳад шуд.
Дастаи футболи "Истиқлол" дар Лигаи қаҳрамонҳои Осиё-2022 дар гурӯҳи "А" буда, дар он ҷо бо дастаҳои футболи "Аш-шарҷа", "Ал-ҳилол" ва "Ар-райян" рақобат мекунад. Ҳамаи бозиҳо дар Арабистони Саудӣ баргузор мегарданд.
Ҳайати "Истиқлол" дар нахустин рақобат чунин буд: Рустам Ятимов, Темур Партсвания (Искандар Ҷалилов, 72), Аҳтам Назаров, Никита Чичерин, Муҳаммадҷон Раҳимов, Шервон Мабатшоев, Нуриддин Давронов, Шаҳром Сулаймонов, Муҳаммад Исаев, Эрик Бокум, Манучеҳр Ҷалилов (Рустам Соиров, 90).
Лентаи хабарҳо
0