Ҳамкорӣ бо Корея дар бахши кишоварзӣ тақвият меёбад

© Sputnik / Вероника Антонова-ТризноПодписание договора, архивное фото
Подписание договора, архивное фото - Sputnik Тоҷикистон, 1920, 13.04.2022
Обуна шудан
Yandex newsTelegram
Миёни Вазорати кишоварзии Ҷумҳурии Тоҷикистон ва Ассотсиатсияи дӯстии Ҷумҳурии Корея бо давлатҳои Осиёи Марказӣ Ёддошти тафоҳуми ҳамкорӣ ба имзо расид
ДУШАНБЕ, 13 апр – Sputnik. Дафтари матбуотии Вазорати кишоварзии Тоҷикистон аз имзои Ёдошти тафоҳуми ҳамкорӣ бо Ассотсиатсияи дӯстии Ҷумҳурии Корея хабар дод.
Манбаъ иттилоъ додааст, ки ахиран баъд аз мулоқоти Нигина Анварӣ, муовини вазири кишоварзии Тоҷикистон бо ҳайати Ҷумҳурии Корея таҳти роҳбарии Ли Ок Рён, раиси Ассотсиатсияи дӯстии Ҷумҳурии Корея дар умури кишварҳои Осиёи Марказӣ маросими имзои санади мазкур сурат гирифт.
Ба иттилои манбаъ, зимни мулоқот қайд гардидааст, ки Вазорати кишоварзии Тоҷикистон барои ҷалби таҷриба ва инноватсияи Ҷумҳурии Корея дар соҳаҳои обёрии қатрагӣ, гармхонаҳои шакли кореягӣ, смартфермаҳо, рақамикононии соҳаҳои чорводорӣ, растанипарварӣ ва такмили ихтисоси мутахассисони соҳаи кишоварзии кишвар аз таҷрибаи Корея ва табодули донишҷӯён омода мебошад.
Ширин Амонзода, вазири меҳнат, муҳоҷират ва шуғли аҳолии Тоҷикистон  - Sputnik Тоҷикистон, 1920, 10.04.2022
Тоҷикистону Корея ҳамкориҳо дар бахши муҳоҷиратро густариш медиҳад
Дар ҳамин ҳол ҷониби намояндагони Ҷумҳурии Корея барои дар доираи лоиҳаҳои ҳаракати “Семаул Ундон” дастгирӣ намудани соҳаи кишоварзии Тоҷикистон изҳори омодагӣ намуд.
Ҳамчунин манбаъ илова кардааст, ки дар мулоқоти судманд дурнамои ҳамкории минбаъда ва самтҳои ояндадори нав баррасӣ шуд.
Лентаи хабарҳо
0