https://sputnik.tj/20220413/tavofuqi-tojikistonu-qirghiziston-bargardonidan-neruho-marz-1047599856.html
Тавофуқи Тоҷикистону Қирғизистон дар бораи баргардонидани нерӯҳои иловагӣ аз марз
Тавофуқи Тоҷикистону Қирғизистон дар бораи баргардонидани нерӯҳои иловагӣ аз марз
Sputnik Тоҷикистон
Мақомоти Тоҷикистону Қирғизистон дар бораи берун бурдани нерӯҳо аз минтақаҳои наздисарҳадӣ ба тавофуқ расиданд
2022-04-13T10:26+0500
2022-04-13T10:26+0500
2022-04-13T13:16+0500
вазъ дар марзи тоҷикистону қирғизистон
дар тоҷикистон
қирғизистон
тавофуқ
нерӯҳо
марз
https://cdnn1.img.sputnik.tj/img/07e6/04/0d/1047599812_0:0:1280:720_1920x0_80_0_0_a59482590d236fe033e0149edcf70085.jpg
ДУШАНБЕ, 12 апр – Sputnik. Мақомоти Қирғизистону Тоҷикистон дар бораи берун бурдани нерӯҳои иловагӣ аз минтақаҳои наздисарҳадӣ ба тавофуқ расиданд, иттилоъ додааст хабаргузории РИА “Новости” дар истинод ба маркази матбуотии Хадамоти марзбонии Кумитаи амнияти миллии Қирғизистон.Хадамоти марзбонии Қирғизистон хабар дод, ин тасмим яке аз қарорҳое мебошад, ки дар ҷараёни мулоқоти сардори бахши сарҳадбонии вилояти Бодканд Киялбек Толонбоев бо ҳамтои тоҷики худ Ҳикматулло Пираков рӯйи даст гирифта шудааст.Бар асоси созиш, нерӯҳо ва техникаҳои иловагӣ аз маҳалли даргир дар марз ба ҷои доимияшон бурда мешаванд.Ба гуфтаи манбаъ, вазъ дар марз нисбатан муътадил аст, вале унсурҳои ташаннуҷ ба назар мерасад.КДАМ Қирғизистон илова кардааст, ки ҳайатҳои ду кишвар музокиротро дар гузаргоҳи Овчӣ-Қалъача идома медиҳанд.Ёдрас менамоем, ки ахиран як манбаъ дар ниҳодҳои қудратии Тоҷикистон ба Sputnik Тоҷикистон гуфта буд, дар пайи як даргирии кӯтоҳмуддат дар марз бо Қирғизистон ду сарбози тоҷик шадидан маҷруҳ шуда ва якеи дигар ҳам ҷароҳати сабук бардоштааст.Дар ҳамин ҳол манобеи маҳаллӣ аз кушта шудани ду сарбози марзбони тоҷик ва захмӣ шудани як нафари дигар хабар медиҳанд. Ин иттилоъ то ба ҳол таъйид ё такзиб нашудааст. Ҷониби Қирғизистон аз захмӣ шудани як сарбози Тоҷикистон хабар дода буд.Манобеъ аз ҷамоати Чоркӯҳи шаҳри Исфара хабар медиҳанд, ки дар маҳаллаи Сомониёни ҷониби Тоҷикистон ва Кӯктоши Қирғизистон таҷаммуи нерӯҳои низомӣ дида мешавад. Сокинони ин маҳаллаҳо аз сӯйи низомиёни кӯч дода шудаанд.Ҳамчунин тадорук дар қисмати марзи Овчӣ-Қалъачаи Тоҷикистон ва Мақсади Қирғизистон низ мушоҳида шудааст.
https://sputnik.tj/20220413/shomi-noorom-marzi-tojikistonu-qirghiziston-1047598174.html
https://sputnik.tj/20220413/holati-omodabosh-marzi-tojikistonu-qirghiziston-1047598010.html
қирғизистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон, қирғизистон, нерӯҳо, иловагӣ, марз, тавофуқ, баргардонидан
тоҷикистон, қирғизистон, нерӯҳо, иловагӣ, марз, тавофуқ, баргардонидан
Тавофуқи Тоҷикистону Қирғизистон дар бораи баргардонидани нерӯҳои иловагӣ аз марз
10:26 13.04.2022 (Навсозишуда: 13:16 13.04.2022) Мақомоти Тоҷикистону Қирғизистон дар бораи берун бурдани нерӯҳо аз минтақаҳои наздисарҳадӣ ба тавофуқ расиданд
ДУШАНБЕ, 12 апр – Sputnik. Мақомоти Қирғизистону Тоҷикистон дар бораи берун бурдани нерӯҳои иловагӣ аз минтақаҳои наздисарҳадӣ ба тавофуқ расиданд, иттилоъ додааст хабаргузории РИА “Новости” дар истинод ба маркази матбуотии Хадамоти марзбонии Кумитаи амнияти миллии Қирғизистон.
Хадамоти марзбонии Қирғизистон хабар дод, ин тасмим яке аз қарорҳое мебошад, ки дар ҷараёни мулоқоти сардори бахши сарҳадбонии вилояти Бодканд Киялбек Толонбоев бо ҳамтои тоҷики худ Ҳикматулло Пираков рӯйи даст гирифта шудааст.
“Дар ҷараёни музокирот яке аз масъалаҳои муҳим ин берун кашидани нерӯҳои иловагӣ ва баргардонидани онҳо ба ҷойҳои истиқрори доимияшон буд. Билофосила ҷонибҳо дар бораи берун бурдани нерӯҳои худ аз минтақаҳои наздимарзӣ шуруъ карданд”, - таъкид кардааст сухангӯи маркази матбуотии КДАМ Қирғизистон.
Бар асоси созиш, нерӯҳо ва техникаҳои иловагӣ аз маҳалли даргир дар марз ба ҷои доимияшон бурда мешаванд.
Ба гуфтаи манбаъ, вазъ дар марз нисбатан муътадил аст, вале унсурҳои ташаннуҷ ба назар мерасад.
КДАМ Қирғизистон илова кардааст, ки ҳайатҳои ду кишвар музокиротро дар гузаргоҳи Овчӣ-Қалъача идома медиҳанд.
Ёдрас менамоем, ки ахиран як манбаъ дар ниҳодҳои қудратии Тоҷикистон ба Sputnik Тоҷикистон гуфта буд, дар пайи як даргирии кӯтоҳмуддат дар марз бо Қирғизистон ду сарбози тоҷик шадидан маҷруҳ шуда ва якеи дигар ҳам ҷароҳати сабук бардоштааст.
“Ин иттифоқ дар қисмати марзии миёни рустои Жани Жери ноҳияи Лайлаки Қирғизистон ва хоҷагии деҳқонии “Зафар”-и ҷамоати Хистеварзи ноҳияи Бобоҷон Ғафурови Тоҷикистон иттифоқ афтодааст. Тирандозӣ дар пайи як ихтилофи лафзӣ миёни сарбозон ба вуқуъ пайвастааст”, - гуфт манбаъ.
Дар ҳамин ҳол манобеи маҳаллӣ аз кушта шудани ду сарбози марзбони тоҷик ва захмӣ шудани як нафари дигар хабар медиҳанд. Ин иттилоъ то ба ҳол таъйид ё такзиб нашудааст. Ҷониби Қирғизистон аз захмӣ шудани як сарбози Тоҷикистон хабар дода буд.
Манобеъ аз ҷамоати Чоркӯҳи шаҳри Исфара хабар медиҳанд, ки дар маҳаллаи Сомониёни ҷониби Тоҷикистон ва Кӯктоши Қирғизистон таҷаммуи нерӯҳои низомӣ дида мешавад. Сокинони ин маҳаллаҳо аз сӯйи низомиёни кӯч дода шудаанд.
Ҳамчунин тадорук дар қисмати марзи Овчӣ-Қалъачаи Тоҷикистон ва Мақсади Қирғизистон низ мушоҳида шудааст.
