Вазири фарҳанг бо супориши Раҳмон ба ВМКБ сафари корӣ анҷом дод

© Sputnik / Амир ИсаевМинистр культуры Таджикистана Давлатзода Зулфия Давлат
Министр культуры Таджикистана Давлатзода Зулфия Давлат - Sputnik Тоҷикистон, 1920, 13.04.2022
Обуна шудан
Раисҷумҳури Тоҷикистон ба намояндагони ҳукуматӣ ва Дастгоҳи иҷроияти президент супориш додааст, ки ба ВМКБ сафари корӣ анҷом диҳанд ва бо ҳолу аҳволи сокинони ин вилоят шинос шаванд
ДУШАНБЕ, 13 апр – Sputnik. Вазири фарҳанги Тоҷикистон Зулфия Давлатзода бо супориши кишвардори Тоҷикистон Эмомалӣ Раҳмон сафари корӣ анҷом дод.
Ба иттилои дафтари матбуотии Вазорати фарҳанг, вазири тоҷик бо вазъи муассисаҳои соҳаи фарҳанг, маориф ва тандурустӣ аз наздик шинос шудааст.
Гуфта мешавад, Давлатзода махсусан ба деҳотҷоҳо рафта, сатҳи таъмин будани макотиб бо омӯзгорону лавозимоти мактабӣ ва ҳамчунин дастрасии мардум ба бемористону маводи дорувориро санҷида, аз рӯзгори оилаҳои камбизоат дидан кардааст.
Зимнан вазир дар маркази вилоят бо сокинону фаъолон ва ҷавонони шаҳр мулоқот намудааст.
Государственный флаг Республики Таджикистан - Sputnik Тоҷикистон, 1920, 12.04.2022
Дар дуртарин навоҳии ВМКБ майдони нишону парчам сохта мешавад
Зулфия дар суханронии хеш дар мавриди самаранок истифода шудани заминҳо ва афзоиш додани истеҳсолоти маҳсулоти кишоварӣ таъкид намуд.
Ёдовар мешавем, ки соли 2020 бо фармони Эмомалӣ Раҳмон, роҳбари давлат Зулфия Давлатзода вазири фарҳанги Тоҷикистон таъйин гардид. Давлатзода дар ин мақом Шамсиддин Орумбекзодаро иваз намуд, ки ахирӣ бинобар баромадан ба нафақа бо фармони раисҷумҳур барканор шуд.
Давлатзода Зулфия худ зодаи Вилояти Мухтори Кӯҳистони Бадахшон буда, замоне роҳбари идораи радио ва телевизиони ин вилоят ва баъдан муовини аввали раиси Кумитаи кор бо занон таъйин шуда буд. Аз моҳи январи соли 2020 ба ин сӯ ӯ вазифаи вазири фарҳанги Тоҷикистонро ба уҳда дорад.
Лентаи хабарҳо
0