Афзоиши содироти маҳсулот аз Суғд ба хориҷ аз кишвар

© Пресс-служба президента РТСухофрукты на выставке в Согдийской области
Сухофрукты на выставке в Согдийской области - Sputnik Тоҷикистон, 1920, 14.04.2022
Обуна шудан
Yandex newsTelegram
Мақомоти Суғд эълон кардаанд, ки ҳаҷми гардиши савдои хориҷии вилояти Суғд дар се моҳи соли равон ба 720,5 миллион доллар расонида шудааст
ДУШАНБЕ, 14 апр — Sputnik. Тибқи иттилои дафтари матбуотии мақомоти вилояти Суғд, ҳаҷми воридот 463,5 миллион долларро ташкил дода, нисбат ба ҳамин давраи соли қаблӣ 118,4 миллион доллар ё 34,3 фоиз афзудааст.
Содироти маҳсулот аз вилоят дар ин давра 257,0 миллион долларро ташкил намуд, ки нисбат ба ҳамин давраи соли сипаришуда 122,4 миллион доллар ё 90,9 фоиз зиёд мебошад.
Манбаъ хабар додааст, ки содироти маъдан ва консентрат нисбат ба нишондиҳандаи ҳамин давраи соли қаблӣ ба маблағи 83,6 миллион доллар афзоиш ёфта, ҳамагӣ 93,5 тонна маъдан ва консентрат, муодили 159,5 миллион доллар содир шудааст. Ҳиссаи маъдан ва консентрат дар ҳаҷми умумии содирот 62,0 фоизро ташкил намуд.
Контейнеры в порту, архивное фото - Sputnik Тоҷикистон, 1920, 05.04.2022
Дар Тоҷикистон воридоти мол аз содирот ба таври қобили мулоҳиза бештар шудааст
Нисбат ба ҳамин давраи соли қаблӣ ҳаҷми содироти семент ба намуди аслӣ ба миқдори 35 ҳазору 121 тонна афзоиш ёфта, ҳамагӣ 168 ҳазору 870 тонна семент ба маблағи 4,9 миллион доллар содирот шудааст.
Дар ҳамин ҳол манбаъ илова кардааст, дар вилоят нишондиҳандаҳои истеҳсолии соҳаи саноати нассоҷӣ беҳтар гардида, ки зиёдшавии ҳаҷми содироти калобаи пахтагин ва либосворӣ аз он дарак медиҳад.
"Дар 3 моҳи соли ҷорӣ ба маблағи 5,8 миллион доллар 351 тонна либосворӣ ба бозори хориҷӣ бароварда шуда, афзоиш нисбат ба ҳамин давраи соли қаблӣ мутаносибан 1 миллион доллар ва 84 тонна ба ҳисоб гирифта шудааст”,- таъкид кардааст манбаъ.
Ҳамзаамон аз Суғд ба маблағи 35,4 миллион доллар 13 ҳазору 492 тонна нахи пахта содир шудааст, ки нисбат ба ҳамин давраи соли қаблӣ 2 174 тонна ва ба маблағи 17,2 миллион доллар зиёд аст.
Фабрика Фарм Сугд, архивное фото - Sputnik Тоҷикистон, 1920, 24.03.2022
Воридоти беш аз чилбаробарӣ аз содирот дар гузориши МОИ Тоҷикистон
Дар 3 моҳи соли 2022 ба маблағи 7,9 миллион доллар 17 ҳазору 240 тонна маҳсулоти кишоварзӣ содир шудааст, ки нисбати ҳамин давраи соли қаблӣ 8 866 тонна ва ба маблағи 5,3 миллион доллар зиёд мебошад.
Ҳиссаи хушкмева дар сохтори содироти маҳсулоти кишоварзӣ 79,8 фоизро дар бар гирифта, дар ин давра 11 ҳазору 387 тонна хушкмева, ба маблағи 6,4 миллион доллар содир шудааст. Афзоиши содироти хушкмева 5 788 тонна, 4,1 миллион долларро ташкил намудааст.
Лентаи хабарҳо
0