Муваққатӣ ва ҳал мешавад: “Эсхата” камбуди пул дар банкоматҳояшро шарҳ дод

© Sputnik / Виталий Белоусов / Гузаштан ба хазинаи аксНеработающий банкомат в Донецке.
Неработающий банкомат в Донецке. - Sputnik Тоҷикистон, 1920, 14.04.2022
Обуна шудан
Yandex newsTelegram
Эксклюзив
Ташкилот аз муштариёнаш узр хоста, ваъда додааст, ки мушкилии камбуди нақдина рӯзҳои наздик ҳал мешавад
ДУШАНБЕ, 13 апр — Sputnik. Бонки “Эсхата” камбуди пули нақдинаи сомонӣ дар банкоматҳояшро шарҳ дода, ба мизоҷнаш ваъда додааст, ки ин мушкилӣ рӯзҳои наздик ҳалли худро меёбад.
Бонки мазкур дар як посухи катбӣ ба Sputnik Тоҷикистон тавзеҳ дод, ки вазъияти чанд рӯзи ахир дар банкоматҳои ташкилот чаро ба миён омад.
Ёдрас менамоем, чанд рӯзи ахир сокинони кишвар шикоят мебаранд, ки аз банкоматҳои чанд бонк, аз ҷумла бонки “Эсхата” наметавонанд маблағҳои дар ҳисобашонбударо ба даст оранд ё барои гирифтани он соатҳо дар навбат мемонанд.
Таджикские сомони на столе  - Sputnik Тоҷикистон, 1920, 12.04.2022
Чаро сомонӣ аз банкомат ва бонкҳои Тоҷикистон "ғайб зад"?
Ҳамин тавр яке аз сабабаҳои камбуди нақдина дар банкоматҳои бонки мазкур афзоиши интиқоли муҳоҷирони меҳнатӣ будааст.

“Дар робита ба коҳиши арзиши рубл дар охири моҳи феврал интиқоли пул аз Русия дар бонки Эсхата 44 дарсадро ташкил дода буд”, - тавзеҳ медиҳад манбаъ.

“Эсхата” меафзояд, бинобар боло рафтани арзиши рубл якбора ҳаҷми интиқоли пули муҳоҷирон бештар шуд ва танҳо аз тариқи ташкилоти пулии мазкур 4,5 баробар афзудааст.

“Илова бар ин корхонаҳо дар аввал ва охири моҳ ба кормандони худ маош медиҳанд, ки ин ҳам сарбории бонкҳоро дар таъмини шаҳрвандон бо пули нақд зиёд мекунад”, - менависад бонк.

Омили дигари мушкили бамиёномодаро бонк ба сатҳи пардохтҳои ғайринақдӣ дар дохили Тоҷикистон, ки дар муқоиса бо дигар кишварҳо, он хеле кам аст, иртибот медиҳад.
Гуфта мешавад, агар дар соли 2021 ҳиссаи пардохти ғайринақдӣ дар Русия 60 дарсад, Қирғизистон 40 дарсад ва Қазоқистон 77 дарсадро ташкил кунад, дар Тоҷикистон ин нишондод танҳо 10 фисад аст.
Банкомат, архивное фото - Sputnik Тоҷикистон, 1920, 07.04.2022
Маълум шуд, ки муҳоҷирон ба Тоҷикистон чанд қадар пул интиқол доданд
“Ҳамаи ин омилҳо дар масъалаи таъмини аҳолӣ бо пули нақд таъсир расониданд, вале ин мушкилӣ характери муваққатӣ дорад”, - тавзеҳ медиҳад “Эсхата”.
Бонки Эсхата шаҳрвандонро даъват намудааст, ки ба таҳлука наафтанд ва сокинонро итминон медиҳад, ки маблағ ба ҳар ҳол дар суратҳисоби мизоҷон боқӣ мемонад.
Ба қавли манбаъ, имкониятҳои пардохтҳои ғайринақдӣ барои ҳамаи дорандагони кортҳои бонкӣ рӯз аз рӯз дастрастар мегарданд. Мизоҷон дар ҳар лаҳза метавонанд бо истифода аз пардохтҳои ғайринақдӣ дар нуқтаҳои савдо ва хидматрасонӣ, талаботи худро қонеъ гардонанд.
“Эсхата” ба диққати муштариёнаш мерасонад, ки дар сурати тамом шудани маблағ дар банкоматҳо метавонанд ба хазинаҳои бонк муроҷиат намоянд.
Ҳамчунин ин ташкилоти молӣ мегӯяд, барои беҳтар намудани вазъият талош мекунад ва ин мушкилот рӯзҳои наздик ҳалли худро хоҳад ёфт.
Лентаи хабарҳо
0