https://sputnik.tj/20220414/rahmon-panjakent-iftitoh-1047639807.html
Аз мактабу меҳмонхона то зоишгоҳу майдони парчам: Раҳмон дар Панҷакент чиро ифтитоҳ кард?
Аз мактабу меҳмонхона то зоишгоҳу майдони парчам: Раҳмон дар Панҷакент чиро ифтитоҳ кард?
Sputnik Тоҷикистон
Раисҷумҳури Тоҷикистон дар идомаи сафари корӣ ба вилояти Суғд аз ноҳияи Айнӣ вориди шаҳри Панҷакент шуд. Интизор меравад сафари президент дар ин вилоят се рӯз идома ёбад
2022-04-14T14:30+0500
2022-04-14T14:30+0500
2022-04-14T18:13+0500
дар тоҷикистон
эмомалӣ раҳмон
панҷакент
иҷтимоъ
https://cdnn1.img.sputnik.tj/img/07e5/0c/0d/1044116597_0:0:3115:1753_1920x0_80_0_0_a33284ea7fa529f428fe10987d7bff3f.jpg
ДУШАНБЕ, 14 апр — Sputnik. Раисҷумҳури Тоҷикистон Эмомалӣ Раҳмон дар шаҳри Панҷакент бинои нави мактаби рақами 47 ба номи Спитаменро ба истифода дод.Дар ин бора дафтари матбуотии роҳбари давлат хабар додааст. Ба иттилои манбаъ, ин бино сеошёна буда, барои 806 хонанда дар ду баст бо харҷи 9 миллиону 202 ҳазор сомонӣ сохта шудааст.Зимнан роҳбари давлат дар маросими ба истифода додани меҳмонхонаи "Панҷакент плаза" низ ширкат кард. Ин меҳмонхона аз сӯйи соҳибкори маҳаллӣ Далер Ҳамроқулов сохта шудааст. Дар меҳмонхона ҳамакнун 30 сокини маҳаллӣ бо ҷойи кори доимӣ таъмин гардидаанд.Манбаъ меафзояд, пас аз ба истифода додани меҳмонхона роҳбари давлат бо 100 нафар ятим аз Панҷакенту Айнӣ, Мастчоҳу Шаҳристон ва Деваштиҷи вилояти Суғд мулоқот намуда, ба онҳо туҳфаҳои молӣ ва пулӣ тақдим кард.Дафтари матбуотии президент ҳамчунин аз ифтитоҳи бинои таваллудхонаи шаҳрӣ бо ҳузури Эмомалӣ Раҳмон хабар дод.Гуфта мешавад, иншооти мазкур бо маблағгузории мақомоти иҷроияи ҳокимияти давлатии шаҳри Панҷакент сохта шудааст ва имкони ҷо додани 80 нафар зан бо кӯдакони навзодашонро дорад.Гузашта аз ин Эмомалӣ Раҳмон дар Панҷакент майдони парчами давлатиро низ ба истифода дод. Майдони парчам дар назди бинои маъмурии мақомоти иҷроияи ҳокимияти давлатии шаҳр бунёд гардидааст.Дар майдони назди парчами давлатӣ 5 фаввора ва 2 суҳбаткада бо нақшу нигори миллӣ сохта шуда, 140 сутунчароғи равшанидиҳанда ва 40 нишасткурсӣ насб гардидааст, - омадааст дар хабари манбаъ.Зикр гардид, ки сохтмони иншооти мазкур аз моҳи июни соли гузашта оғоз гардида буд. Маврид ба зикр аст, ки сафари роҳбари давлат ба вилояти Суғд субҳи рӯзи 14 апрел оғоз ёфт ва қарор аст, Эмомалӣ Раҳмон то се рӯзи дигар меҳмони ин вилоят шавад.
https://sputnik.tj/20220414/rahmon-bunyodi-korkhona-nav-metallurgi-afinazhi-tilo-1047631893.html
панҷакент
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
эмомалӣ раҳмон панҷакент
Аз мактабу меҳмонхона то зоишгоҳу майдони парчам: Раҳмон дар Панҷакент чиро ифтитоҳ кард?
14:30 14.04.2022 (Навсозишуда: 18:13 14.04.2022) Раисҷумҳури Тоҷикистон дар идомаи сафари корияш ба вилояти Суғд аз ноҳияи Айнӣ вориди шаҳри Панҷакент шуд. Интизор меравад, сафари президент дар ин вилоят се рӯз идома ёбад
ДУШАНБЕ, 14 апр — Sputnik. Раисҷумҳури Тоҷикистон Эмомалӣ Раҳмон дар шаҳри Панҷакент бинои нави мактаби рақами 47 ба номи Спитаменро ба истифода дод.
Дар ин бора дафтари матбуотии роҳбари давлат хабар додааст. Ба иттилои манбаъ, ин бино сеошёна буда, барои 806 хонанда дар ду баст бо харҷи 9 миллиону 202 ҳазор сомонӣ сохта шудааст.
Зимнан роҳбари давлат дар маросими ба истифода додани меҳмонхонаи "Панҷакент плаза" низ ширкат кард. Ин меҳмонхона аз сӯйи соҳибкори маҳаллӣ Далер Ҳамроқулов сохта шудааст. Дар меҳмонхона ҳамакнун 30 сокини маҳаллӣ бо ҷойи кори доимӣ таъмин гардидаанд.
Манбаъ меафзояд, пас аз ба истифода додани меҳмонхона роҳбари давлат бо 100 нафар ятим аз Панҷакенту Айнӣ, Мастчоҳу Шаҳристон ва Деваштиҷи вилояти Суғд мулоқот намуда, ба онҳо туҳфаҳои молӣ ва пулӣ тақдим кард.
Дафтари матбуотии президент ҳамчунин аз ифтитоҳи бинои таваллудхонаи шаҳрӣ бо ҳузури Эмомалӣ Раҳмон хабар дод.
Гуфта мешавад, иншооти мазкур бо маблағгузории мақомоти иҷроияи ҳокимияти давлатии шаҳри Панҷакент сохта шудааст ва имкони ҷо додани 80 нафар зан бо кӯдакони навзодашонро дорад.
"Бо ба истифода додани бинои замонавии таваллудхона барои 120 нафар корманди соҳа, аз ҷумла 37 нафар табиб, 57 нафар корманди миёнаи тиб ва 27 нафар корманди хурди тиб ҷойи кори нав ташкил шуд", - омадааст дар хабари дафтари матбуотии президент.
Гузашта аз ин Эмомалӣ Раҳмон дар Панҷакент майдони парчами давлатиро низ ба истифода дод. Майдони парчам дар назди бинои маъмурии мақомоти иҷроияи ҳокимияти давлатии шаҳр бунёд гардидааст.
Дар майдони назди парчами давлатӣ 5 фаввора ва 2 суҳбаткада бо нақшу нигори миллӣ сохта шуда, 140 сутунчароғи равшанидиҳанда ва 40 нишасткурсӣ насб гардидааст, - омадааст дар хабари манбаъ.
Зикр гардид, ки сохтмони иншооти мазкур аз моҳи июни соли гузашта оғоз гардида буд.
Маврид ба зикр аст, ки сафари роҳбари давлат ба вилояти Суғд субҳи рӯзи 14 апрел оғоз ёфт ва қарор аст, Эмомалӣ Раҳмон то се рӯзи дигар меҳмони ин вилоят шавад.
