Чӣ арзону чӣ гарон шуд: шарҳи расмии Ожонси омор

© Sputnik / Амир ИсаевБазар в Кулябе
Базар в Кулябе - Sputnik Тоҷикистон, 1920, 18.04.2022
Обуна шудан
Yandex newsTelegram
Ожонси омори Тоҷикистон дар феҳрасти маҳсулоте, ки тайи семоҳаи аввали соли равон гарон шудаанд, сабзавот, шир, нон, мева ва маводи сӯхтро ном бурд
ДУШАНБЕ, 18 апр — Sputnik. Нархи маҳсулоти ғизоӣ дар семоҳаи аввали соли равон дар Тоҷикистон ба андозаи 3,9% гарон шуд, хабар дод Ожонси омори ҷумҳурӣ.
Ба иттилои манбаъ, маҳсулоти ғайриғизоӣ 1,5% гарон шудаанд, аммо хадамоти пулакӣ барои аҳолӣ ба андозоаи 0,3% арзон шудааст.
Дар феҳрасти озуқавориҳое, ки беш аз ҳама гарон шудаанд, сабзавот (21,1%), шакар "10,1%), шир (9,9%), маҳсулоти нонӣ (5,5%), моҳӣ (5%) ва меваҷот (2,5%) номбар шудаанд.
Аз миёни маҳсулоти ғайриозуқа нархи доруворӣ 7,6%, сӯзишвории дизелӣ 8%, бензин 2,9% боло рафтааст.
Масъулини бахши омор коҳиши нархи хидматрасониҳои пулакӣ ба аҳолиро дар семоҳаи аввали соли равон ба коҳиши нархи гази моеъ ба андозаи 5,9%, хидматрасониҳои бахши нақлиёт - 0,9%, аз ҷумла хидмати нақлиёти ҳавоӣ ва мусофирбарӣ рабт медиҳанд.
Картофель на рынке - Sputnik Тоҷикистон, 1920, 17.04.2022
Раҳмон масъалаи муҳимтарини рӯзро барои Тоҷикистон ном бурд
Дар маҷмуъ ба ҳисоби миёна сатҳи таваррум 2,4%-ро ташкил додааст, ки аз ин ба моҳи март 1,7% рост меояд. Дар моҳи январ 0,5% ва феврал 0,2%-ро ташкил додааст.
Бо вуҷуд дар маҷмуъ сатҳи таварруми семоҳа дар Тоҷикистон дар қиёс бо ҳамин давраи соли гузашта 0,9% камтар мебошад.
Дар ҳамин ҳол Тоҷикистон нақша гузоштааст, ки сатҳи таваррумро дар ҷамъбасти соли 2022 дар сатҳи 6% бо эҳтимолияти 2% кам ё беш нигоҳ дорад. Соли 2021 сатҳи таваррум дар Тоҷикистон ба 8% баробар буд.
Ин дар ҳолест, ки Бонки Осиёии Рушд мегӯяд, сатҳи таваррум дар соли равон то ба 15% баробар хоҳад шуд. Ин ниҳоди молӣ мегӯяд, рушди маҷмуи маҳсулоти дохилии Тоҷикистон аз 9,2%-и соли гузашта то ба 2% дар соли равон поин меравад. Пешбинӣ шудааст, ки дар соли 2023 сатҳи таваррум дар Тоҷикистон ба 10% баробар хоҳад шуд.
Лентаи хабарҳо
0