Шикояти сокинони солхӯрдаи Душанбе аз фиребкорӣ дар бозори хона: милиса месанҷад

© Schluesseldienst / pixabayКлючи от дома
Ключи от дома - Sputnik Тоҷикистон, 1920, 18.04.2022
Обуна шудан
Yandex newsTelegram
Вазорати умури дохилии Тоҷикистон аз вуруди шикоятҳо ба мақомоти Душанбе дар мавриди ҳолатҳои қаллобӣ дар зимни додугирифти хона хабар додааст
ДУШАНБЕ, 18 апр — Sputnik. Марди 69-сола, сокини шаҳри Душанбе ба идораи милиса дар ноҳияи Шоҳмансур шикоят бурдааст, ки ҳадафи фиреб қарор гирифтааст.
Тибқи иттилои ВУД, муроҷиаткунанда арз доштааст, ки ҳанӯз моҳи апрели соли 2018 марди 39-солаи сокини шаҳри Душанбе бо роҳи фиреб ба бовариаш даромада, аз ӯ 35 ҳазор доллари амрикоӣ гирифтааст.
Таъкид шудаст, ки ба ивази ин маблағ ба марди солхӯрда манзили истиқоматӣ дар бинои сохтмонаш нотамом, воқеъ дар кӯчаи Деҳлавии пойтахт ваъда дода шудааст.
Аммо фарди муттаҳам дар қаллобӣ маблағи бо роҳи фиреб ба дастовардаашро ба манфиати шахсиаш сарф намуда, ваъдаашро иҷро накардааст, афзуд манбаъ.
Мақомот афзуданд, ки чунин як шикояти марбут ба додугирифти хона ҳамчунин ба идораи милиса дар ноҳияи Фирдавсӣ низ ворид шудааст. Марди 66-сола, сокини Душанбе арз кардааст, ки моҳи апрели соли 2018 марди 60-солаи сокини шаҳри Кӯлоб бо роҳи фиреб ба бовариаш даромада, аз ӯ 37 ҳазор доллари амрикоӣ гирифтааст.
Сомони в конверте, архивное фото - Sputnik Тоҷикистон, 1920, 18.04.2022
Оҷонсӣ як заминсозро бо иттиҳоми қаллобӣ боздошт кард
Марди муттаҳам ба ивази ин миқдор пул ба ҷабрдида ваъда дода кардааст, ки манзили истиқоматиашро дар ҷамоати деҳоти Россия, деҳаи Яккатути ноҳияи Рӯдакӣ ба номаш ҳуҷҷатгузорӣ мекунад, аммо то ҳол ин аҳдашро иҷро накардааст.
Мақомоти умури дохилии Тоҷикистон мегӯянд, феълан аз рӯи ин ҳодиса таҳқиқот идома дорад.
Ин дар ҳолест, ки дар Тоҷикистон сол ба сол талабот ба манзили истиқоматӣ ба далели афзоиши босуръати аҳолӣ ва камзаминии кишвар афзоиш ёфта истодааст.
Ба иттилои Кумитаи меъморӣ ва сохтмони Тоҷикистон, тайи як соли ахир дар ҷумҳурӣ 1 миллион 430 ҳазору 300 метри мураббаъ хонаҳои истиқоматӣ ба истифода дода шуданд, ки барои он 14,8 миллиард сомонӣ маблағ сарф шудааст. Манбаъ афзуд, ки ин нишондод дар муқоиса бо соли 2020 ҳудуди 42,4 ҳазор метри мураббаъ зиёд мебошад.
Лентаи хабарҳо
0