Тамдиди маҳдудияти парвоз ба бархе фурудгоҳҳои Русия

© Sputnik / Нина ЗотинаПассажирский самолет в небе
Пассажирский самолет в небе  - Sputnik Тоҷикистон, 1920, 18.04.2022
Обуна шудан
Yandex newsTelegram
Маҳудияти парвоз ба минтақаҳои ҷанубу маркази Русия дигарбора тамдид ва дар иваз масирҳои дигар барои мусофирон пешниҳод шуданд
ДУШАНБЕ, 18 апр — Sputnik. Низоми маҳдудияти парвозҳо дар фурудгоҳҳои ҷанубӣ ва марказии Русия то 25 -уми апрел тамдид шуд, хабар дод "Росавиатсия".
"То 25 апрел, соати 03:45 бо вақти Маскав маҳдудияти парвоз ба 11 фурудгоҳ дар ҷанубу маркази Русия идома меёбад", - омадааст дар иттилоияи ин ниҳод.
Дар феҳрасти минтақаҳое, ки парвоз ба фурудгоҳҳояшон мутаваққиф шудааст, аз ҷумла Анапа, Белгород, Брянск, Воронеж, Геленҷик, Краснодар, Курск, Липетск, Ростови лаби Дон, Симферопол ва Элиста зикр гардидаанд.
Ин ниҳод ба ширкатҳои ҳавопаймоии Русия тавсия додааст, ки аз масирҳои дигар барои анҷоми парвозҳо истифода кунанд. Аз ҷумла барои сафар ба минтақаҳое, ки маҳдудият доранд, истифода аз фурудгоҳҳои Сочи, Волгоград, Минералние Води, Ставропол ва Маскав маслиҳат дода шудааст.
Спецоперация России на Украине - Sputnik Тоҷикистон, 1920, 18.04.2022
Амалиёти вижаи Русия барои ҳимояи Донбасс: охирин хабарҳо
Коршинос: Русия нақша надорад, ки ғайринизомисозии Украинаро солҳо идома диҳад
Таъкид гардидааст, ки фурудгоҳҳои тавсияшуда зарфияти кофӣ барои хидматрасонӣ ба мусофирони иловагиро доранд.
"Росавиатсия" мегӯяд, дар маҷмуъ парвозҳо дар минтақаҳои дигар, аз ҷумла дар масирҳои байналмилалӣ аз рӯи реҷаи муқаррарӣ амалӣ мешаванд.
Маҳдудиятҳо дар пасманзари амалиёти низомии Русия дар Украина роҳандозӣ гардидаанд.
Русия рӯзи 24 феврал амалиёти вижаро дар Украина оғоз кард. Кишвардори Русия Владимир Путин ҳадафи онро "ҳимояи одамоне номид, ки тӯли 8 сол аз сӯйи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом шуда, тамоми масъулини "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд. Аммо дар бораи ишғоли Украина сухане нест, таъкид кард раисҷумҳури Русия.
Лентаи хабарҳо
0