Хатари ҳамла аз ҳаво: тахлияи Капитолий дар Вашингтон

© AP / Jon ElswickАмериканские флаги на фоне Капитолия в Вашингтоне, США
Американские флаги на фоне Капитолия в Вашингтоне, США - Sputnik Тоҷикистон, 1920, 21.04.2022
Обуна шудан
Мақомоти пулиси Вашингтон ба далели эҳтимолияти хатар аз ҳаво кормандони Капитолий, макони фаъолияти сенаторҳои амрикоиро тахлия кардааст
ДУШАНБЕ, 21 апр — Sputnik. Фармони тахлияи Капитолий, маҷмаи биноҳои давлатии ИМА шоми 20 апрел ё соати 1:30-и 21 апрел бо вақти Маскав дода шудааст.
Ба иттилои РИА "Новости", далели берун кардани кормандони Капитолий "хатари эҳтимолӣ аз ҳавопаймо" гуфта шудааст.
Мақомоти ҳифзи ҳуқуқи Вашингтон дар саҳифааш дар "Twitter" изҳор доштаанд, ки берун кардани кормандон ҳамчун чораи эҳтиётӣ амалӣ шудааст.
Баъдан эълон гардид, ки хатаре ба бинои мақомоти қонунгузории ИМА нест ва кормандон ба ҷойҳояшон баргаштанд.
Церемония приветствия многонационального батальона НАТО под руководством США в польском Ожише - Sputnik Тоҷикистон, 1920, 19.04.2022
Размоишҳои мунҳарифкунандаи ИМА ва Лаҳистон дар наздикии Калининград
Расонаҳои амрикоӣ дар тавзеҳи ин вазъият хабар доданд, ки пулисро ҳавопаймои думуҳаррикие нигарон кардаст, ки ҳомили низомиёни ИМА будааст.
Маълум шудааст, дар ҳавопаймо низомиён аз гурӯҳи "Голден найтс"-и ИМА будаанд, ки барои анҷоми ҷаҳишҳои намоишӣ бо чатр дар минтақаи Боғи миллӣ пеш аз бозии бейсбол ба ҳаво баланд шудаанд.
Ҳавопаймо аз пойгоҳи Мэриленд парида, дар фазои назди Капитолий чанд муддат чарх задааст ва ин боиси бонги хатар задани мақомоти пулиси Вашингтон шудааст. Ин дар ҳолест, ки ҳавопаймо дар минтақае қарор доштаст, ки мамнуъ нест.
Феълан муфаттишон месанҷанд, ки чаро чорабинии намоишӣ пеш аз бозии бейсбол бо мақомоти ҳифзи ҳуқуқ қаблан мувофиқа нашудааст.
Лентаи хабарҳо
0