Дар Доғистон барои макотиби Тоҷикистон омӯзгор меҷӯянд: маош 70 ҳазор рубл

© Sputnik Президентский лицей в Душанбе
Президентский лицей в Душанбе - Sputnik Тоҷикистон, 1920, 24.04.2022
Обуна шудан
Yandex newsTelegram
Дар Доғистон барои макотиби муштараки Русия ва Тоҷикистон омӯзгор меҷӯянд. Довталабон имкон доранд, то 25 апрел ҳуҷҷатҳои худро пешниҳод кунанд
ДУШАНБЕ, 24 апр — Sputnik. Вазорати маориф ва илми Доғистон барои хоҳишмандони кор дар муассисаҳои таълимии Тоҷикистон озмун эълон кардааст. Омӯзгорон дар мактабҳое дарс мегӯянд, ки Русия дар Тоҷикистон бунёд намудааст.
Ба иттилои ин ниҳод, маоши омӯзгорон 70 ҳазор рубл хоҳад буд.
"Вазорати маориф ва илми Ҷумҳурии Доғистон қабули ҳуҷҷатҳоро барои ишғоли ҷойҳои холии мактабҳои русӣ-тоҷикӣ эълон мекунад", - омадааст дар хабари вазорат.
Қаблан дар Тоҷикистон барои муассисаҳои давлатии буҷавии таҳсилоти миёнаи умумии муштараки Русия ва Тоҷикистон омӯзгорон ҷустуҷӯ намуда буданд. Вазорати маорифи кишвар дар пайи нашри эълон талаботи асосӣ барои довталабонро низ зикр намуд.
Новая школа в Турсунзаде - Sputnik Тоҷикистон, 1920, 15.03.2022
Вазорат барои мактабҳои муштараки Русия ва Тоҷикистон омӯзгор меҷӯяд
Дар эълон зикр шудааст, ки довталабон бояд ҳатман забонҳои русӣ ва тоҷикиро хуб донанд ва ҳамчунин аз таърих ва фарҳанги Русияву Тоҷикистон низ бохабар бошанд.
Илова бар ин донистани санадҳои меъёрии ҳуқуқии танзимкунандаи соҳаи маориф зарур буда, онҳо аз уҳдаи истифода бурдани технологияи рақамӣ низ бояд бароянд.
Интизор меравад, ҳамаи панҷ мактабе, ки Русия дар Тоҷикистон месозад, то 1 сентябри соли 2022 ба истифода дода шаванд.
Макотиб дар шаҳрҳои Душанбе, Кӯлоб, Бохтар, Турсунзода, Хуҷанд сохта мешаванд. Ин мактабҳо имкони фарогирии 1200 хонанда ба таҳсил дар як вақтро доранд.
Лентаи хабарҳо
0