Раҳмон ба президенти Муғулистон барқия фиристод

© Пресс-служба Президента Республики ТаджикистанПрезидент Таджикистана Эмомали Рахмон
Президент Таджикистана Эмомали Рахмон - Sputnik Тоҷикистон, 1920, 24.04.2022
Обуна шудан
Yandex newsTelegram
Кишвардори Тоҷикистон ба муносибати 30-юмин солгарди муносибатҳои дипломатии Тоҷикистону Муғулистон ба ҳамтои муғули худ барқия ирсол кард
ДУШАНБЕ, 24 апр — Sputnik. Эмомалӣ Раҳмон ба президенти Муғулистон Ухнаагийн Хурэлсух ба муносибати 30-юмин солгарди барпо намудани робитаҳои дипломатӣ барқияи табрикотӣ ирсол каррд.
Дар ин бора дафтари матбуотии роҳбари давлат хабар дода, матни табрикоти кишвардори Тоҷикистонро нашр намудааст.
Дар номаи табрик аз ҷумла омадааст: "Ҷаноби Олӣ, фарорасии 30-юмин солгарди барқарории робитаҳои дипломатӣ байни Ҷумҳурии Тоҷикистон ва Муғулистонро самимона табрик мегӯям".
Президент Таджикистана Эмомали Рахмон выступил на церемонии открытия четвертого Азиатско-Тихоокеанского водного саммита - Sputnik Тоҷикистон, 1920, 23.04.2022
Раҳмон таҳдиди асосӣ ба ҷаҳониёнро гуфт
Эмомалӣ Раҳмон изҳори хушнудӣ намудааст, ки дар тӯли се даҳаи сипаришуда Тоҷикистону Муғулистон бар асоси усулҳои баробарӣ, ҳусни тафоҳум, эътимод ва эҳтироми ҳамдигарӣ ба сатҳи хуби муносиботи ҳамкорӣ даст ёфта, ҳоло ҷиҳати пешбурди минбаъдаи онҳо кӯшиш ба харҷ медиҳанд.
"Тоҷикистон ҷонибдори таҳкиму тавсеаи робитаҳои дӯстӣ ва шарикии созанда бо Муғулистон дар заминаҳои мухталифи мавриди таваҷҷуҳи тарафайн мебошад", - омадааст дар мактуби Эмомалӣ Раҳмон.
Роҳбари Тоҷикистон ба ҳамтои худ сиҳатмандӣ ва ба мардуми он кишвар сулҳу субот таманно кард.
Манбаъ меафзояд, кишвардори Муғулистон низ ба ин муносибат ба Эмомалӣ Раҳмон номаи табрикотӣ ирсол намудааст. Дар нома зикр гардидааст, ки Муғулистон аз ҳамкориҳо бо Тоҷикистон барои минбаъд ғанӣ гардондани муносибатҳои ду кишвар умедвор аст.
Ҷаноби Хурэлсух ба Эмомалӣ Раҳмон комёбӣ ва ба мардуми Тоҷикистон шукуфоӣ таманно намуд.
Лентаи хабарҳо
0