Снаряженные магазины от автомата Калашникова  - Sputnik Тоҷикистон, 1920
Амалиёти вижаи Русия барои ҳимояи Донбасс: охирин хабарҳо
Дар пасманзари зӯргӯиҳои мақомоти Киев алайҳи Донетску Луганск, Русия мустақилияти ин ҷумҳуриҳоро эътироф кард. Бо дархости роҳбарони ҶХЛ ва ҶХД, Владимир Путин, президенти Русия 24 феврал барои амалиёти вижаи ҳимоя аз Донбасс дастур дод, ки феълан идома дорад

Песков: Ғарб Украинаро бо додаҳои иктишофӣ таъмин мекунад

© Sputnik / Сергей Гунеев / Гузариш ба медиабонкПресс-секретарь президента РФ Дмитрий Песков
Пресс-секретарь президента РФ Дмитрий Песков - Sputnik Тоҷикистон, 1920, 05.05.2022
Обуна шудан
Қувваҳои мусаллаҳи Русия огоҳанд, ки ИМА, Бритониёи Кабир ва дигар кишварҳои НАТО маълумоти махфии иктишофиро ба Украина ироа мекунанд
ДУШАНБЕ, 5 май — Sputnik. Таъминоти Украина бо маълумоти иктишофӣ аз сӯйи ИМА, Бритониёи Кабир ва дигар кишварҳои НАТО амалиёти низомиро тӯл медиҳад, аммо барои расидан ба аҳдофи гузошташуда монеъ шуда наметавонад.
Ин нуктаро Дмитрий Песков, сухангӯи раисҷумҳури Русия изҳор дошт.
"Барои низомиёни мо хуб маълум аст, ки Иёлоти Муттаҳидаи Амрико ва НАТО ба таври доимӣ маълумоти иктишофӣ ва дигар додаҳоро ба нерӯҳои мусаллаҳи Украина медиҳанд", - изҳор дошт намояндаи Кремл.
Вай афзуд, ин раванд метавонад амалиёти низомии Русия дар Украинаро тӯл диҳад, аммо барои расидан ба аҳдофи гузошташуда монеа шудан наметавонанд.
"Албатта маълум аст, ки дар ин ҳолат нерӯҳои мусаллаҳи Русия тамоми кореро, ки зарур аст, анҷом медиҳанд", - афзуд манбаъ.
Вай қаблан даъват намуда буд, ки ба гузоришҳои нашрияҳои ғарбӣ дар бораи эҳтимоли эълони сафарбаркунии умумӣ дар Русия бахшида 9 май гӯш надиҳанд, чун бепояанд.
Намояндаи Кремл дар мавриди гуфтушуниди Маскав ва Киев изҳор дошт, дар ҳоли ҳозир ба далели мавқеъгириҳои номунтазами Украина бовар надоранд, ки ин раванд бо муваффақият анҷомад.
Президента РФ В. Путин - Sputnik Тоҷикистон, 1920, 05.05.2022
Дар Бритониё шарти вазнини Путинро дастгирӣ карданд
Дар мавриди вазъияти "Азовстал" хабар дода шуд, ки феълан тағйироти назаррасе нест, баъзан талоши муҳосирашудаҳо барои оташкушоӣ дида мешавад, аммо ҳамлае ҳанӯз дар нақша нест.
Русия рӯзи 24 феврал амалиёти вижаи низомии Украинаро ба манзури безараргардонӣ ва нозизудоӣ оғоз кард.
Путин ҳадафи онро "ҳимояи одамоне номид, ки дар тӯли ҳашт сол аз сӯйи режими Киев мавриди таҳқир ва наслкушӣ қарор гирифтаанд".
Ба гуфтаи Вазорати дифоъ, артиши Русия танҳо ба қисмҳои низомӣ ва нерӯҳои Украина зарба мезанад ва рӯзи 25 март вазифаҳои асосии марҳалаи аввалро анҷом доданд - онҳо тавони ҷангии Украинаро ба таври қобили мулоҳиза коҳиш доданд.
Ҳадафи асосӣ дар Вазорати дифоъ озодкунии Донбасс номида шуд.
Лентаи хабарҳо
0