Сел таҳдид мекунад: 237 хонаводаи як деҳа дар Тоҷикистонро кӯчонданд

© Саҳифаи "Телевизиони Тоҷикистон" дар шабакаҳои иҷтимоӣ Пайомадҳои сели харобиовар дар Панҷакент
Пайомадҳои сели харобиовар дар Панҷакент - Sputnik Тоҷикистон, 1920, 06.05.2022
Обуна шудан
Боронгариҳое, ки давоми чанд рӯз дар Тоҷикистон идома дорад, боиси масдуду хароб гардидани роҳу пулҳо гардидааст
ДУШАНБЕ, 6 май - Sputnik. Боронгариҳои шадид ба шаҳри Турсунзода харобиҳои зиёд овард.
Ба иттилои Кумитаи ҳолатҳои фавқулоддаи Тоҷикистон, бинобар хатари омадани сели харобиовар дар деҳаи Файзбахши ҷамоати деҳоти 10-солагии Истиқлол беш аз 237 хонавода ба ҷойи амттар кӯчонида шуданд. Зеро боронгариҳои шадид сабаби резиши сел аз теппаҳои атрофи ин деҳа гардидааст.
Манбаъ меафзояд, боронгариҳои ду рӯзи ахир боиси баланд шудани сатҳи оби рӯдхонаҳои Қаратоғ, Ширкент, каналҳои Хоҷанақширон, Заркамар ва Муллошодӣ гардидааст, ки дар пайи он сел ҷорӣ шудааст.
Селевой поток в Таджикистане - Sputnik Тоҷикистон, 1920, 06.05.2022
Ҳушдори КҲФ аз идомаи боронҳои шадиду хатари селбиёӣ
Гуфта мешавад, сел дар деҳаҳои Ҳамадонии ҷамоати деҳоти ба номи Тӯйчиеви шаҳри Турсунзода, 75 қитъаи наздиҳавлигии сокинонро хароб кард.
КҲФ мегӯяд, барои бартараф кардани пайомадҳои офати табиӣ қувваҳо ва воситаҳои Комиссияи ҳолатҳои фавқулоддаи шаҳри Турсунзода ҷалб шудаанд. Барои тоза кардани таҳхонаҳо ва қитъаҳои замин аз селобаву лойқа корҳо идома доранд.
Феълан дар ҷойи ҳодиса гурӯҳи фаврӣ бо роҳбарии муовини раиси КҲФ Иброҳимзода ва намояндаи комиссияи шаҳрӣ қарор доранд.
Маврид ба зикр аст, селу обхезие, ки давоми чанд рӯзи ахир дар Тоҷикистон идома доранд, хушбахтона, талафоти ҷонӣ дар пай надоштанд.
Лентаи хабарҳо
0