Содирот аз Тоҷикистон ду баробар коҳиш ёфтааст

© Sputnik / Михаил Воскресенский / Гузариш ба медиабонкКонтейнерный терминал, архивное фото
Контейнерный терминал, архивное фото - Sputnik Тоҷикистон, 1920, 10.05.2022
Обуна шудан
Содироти мол аз кишвар дар се моҳи аввал якбора коҳиш ёфт ва танҳо нисфи арзиши ҳамин давраи соли 2021-ро ташкил додааст
ДУШАНБЕ, 10 май — Sputnik. Ҳаҷми гардиши тиҷорати хориҷии Тоҷикистон дар семоҳаи аввали соли 2022 нисбат ба ҳамин давраи соли гузашта 6,5% ё 116,7 миллион доллар коҳиш ёфтааст.
Мувофиқи маълумоти идораҳои иқтисодии ҷумҳурӣ, ин рақам бештар аз 1,6 миллиард долларро ташкил дод. Ҳамзамон бо 94 кишвари ҷаҳон тиҷорат сурат гирифтааст, вале воридоти мол аз 77 давлат нисбат ба содирот бартарӣ дорад ва моли 56 давлат танҳо ворид карда мешуд.
Ба ин далел тавозуни савдо манфӣ буда, 737,2 миллион долларро ташкил додааст.
Доллары в миниатюрной тележке - Sputnik Тоҷикистон, 1920, 05.05.2022
Тоҷикистон тиҷоратро бо кишварҳои ИДМ афзоиш дод
Воридоти мол дар семоҳа 43 фоиз афзуда, ба маблағи беш аз 1,2 миллиард доллар баробар шудааст . Ба ҳисоби пулӣ афзоиш 362,7-миллиондоллариро ташкил додааст.
Содироти коло баръакс, нисбат ба соли гузашта беш аз ду баробар кам шуда, 470 миллион долларро ташкил дод.
Танҳо бо 7 кишвар содирот нисбат ба воридот бо фарқияти хурд бартарӣ дорад. Дар байни ин мамлакатхо Туркия ва Белгия ҳастанд, ки ҷумҳурӣ ба онҳо металлҳои қиматбаҳо, алюминий ва нахи пахта мефиристад.
Қаблан маълум шуда буд, ки дар семоҳаи аввали соли ҷорӣ мизони табодули коло миёни Тоҷикистон ва кишварҳои ИДМ нисбат ба ҳамин давраи соли 2021 43% афзоиш ёфтааст.
Слитки золото, архивное фото - Sputnik Тоҷикистон, 1920, 28.04.2022
Тоҷикистон содироти сангҳои қиматбаҳоро коҳиш дод
Дар муомилоти умумӣ, гардиши мол миёни Тоҷикистон ва кишварҳои узви Иттиҳоди Давлатҳои Мустақил дар ин муддат 901 миллион долларро ташкил додааст.
Ҳамин тариқ 53,7 фоизи ҳаҷми умумии гардиши савдои ҷумҳурӣ ба кишварҳои ИДМ рост меояд. Шарикони асосии тиҷоратии кишвар аз ИДМ Русия, Қазоқистон ва Ӯзбекистон буданд.
Ҳаҷми муомилоти мол бо Федератсияи Русия дар 3 моҳи соли ҷорӣ беш аз 364,9 миллион доллар, бо Қазоқистон 353,9 миллион доллар ва бо Ӯзбекистон беш аз 132,9 миллион долларро ташкил додааст.
Лентаи хабарҳо
0