Эълони роҳбандӣ дар Душанбе: кадом кӯчаҳо баста мешаванд?

© SputnikМашина милиции в Душанбе, архивное фото
Машина милиции в Душанбе, архивное фото - Sputnik Тоҷикистон, 1920, 13.05.2022
Обуна шудан
Yandex newsTelegram
Дар Душанбе Рӯзи ҷавононро таҷлил мекунанд, бинобар ин бархе аз кӯчаҳои марказии шаҳр барои ҳаракати нақлиёт муваққатан масдуд хоҳанд шуд
ДУШАНБЕ, 13 апрел - Sputnik. Шаҳрдории Душанбе эълон кардааст, ки 15 май ба ифтихори Рӯзи ҷавонон дави миллӣ ва марафони велосипедронӣ баргузор мешавад, ки бинобар ин ҳаракати нақлиёт дар бархе аз онҳо масдуд хоҳад шуд.
Бино ба қарори Рустами Эмомалӣ, ҳаракати воситаҳои нақлиёти автомобилӣ аз бурриши кӯчаи Ҳофизи Шерозӣ то Муассисаи давлатии "Наврӯзгоҳ"-и шаҳри Душанбе манъ карда мешавад.
Ба иттилои манбаъ, маҳдудияти ҳаракат се соат- аз 08:00 то 10:00 гуфта шудааст.
Рустами Эмомалӣ ва президенти Конфедератсияи велосипедронии Осиё Осама ал Шафар - Sputnik Тоҷикистон, 1920, 26.03.2022
Дар назар аст, Душанбе мизбони мусобиқаи байналмилалии велосипедронии кӯҳӣ низ шавад
Раёсати Вазорати корҳои дохилии Тоҷикистон дар шаҳри Душанбе вазифадор гардидааст, ки ҷиҳати таъмини ҳаракати воситаҳои нақлиёти автомобилӣ дар кӯчаҳои ҳамшафати макони баргузории дави миллӣ ва марафони велосипедронӣ чораҳои мушаххаси мақсаднокро барои бехатарии ҳаракати шаҳрвандон роҳандозӣ намояд.
Рустами Эмомалӣ шуъбаи нақлиёти дастгоҳи раиси шаҳри Душанберо низ муваззаф кардааст, ки дар ҳамкорӣ бо сохторҳои марбутаи соҳаи нақлиёти шаҳрӣ ҷиҳати таъмини мунтазами ҳаракати воситаҳои нақлиёти автомобилии истифодаи умум тавассути дигар кӯчаву хиёбонҳои шаҳри Душанбе тадбирҳои зарурӣ андешанд.
Ёдовар мешавем, ҳамасола Рӯзи ҷавонони Тоҷикистон бо дави миллӣ ва дигар мусобиқаҳои варзишӣ дар саросари кишвар таҷлил мешавад.
Дар ин рӯз аз мақомдорон то сокинони оддии кишвар масофаи муайянеро тай хоҳанд кард.
Лентаи хабарҳо
0