Ҳаққонӣ: Амрикоро дар ҳоли ҳозир ба чашми душман намебинем

© AFP 2023 / Wakil KohsarАмериканский солдат целится на афганцев в аэропорту Кабула
Американский солдат целится на афганцев в аэропорту Кабула  - Sputnik Тоҷикистон, 1920, 17.05.2022
Обуна шудан
Роҳбари шабакаи Ҳаққонӣ ва сарпарасти Вазорати дохилаи толибон мегӯяд, ки дар ҳоли ҳозир ба Амрико ба унвони душман нигоҳ намекунанд
ДУШАНБЕ, 17 май – Sputnik. Сироҷуддин Ҳаққонӣ, сарпарасти Вазорати дохилии ҳукумати толибон дар Афғонистон, ки Амрико барои боздошти ӯ 10 миллион доллар ҷоиза таъйин кардааст, мегӯяд, ки ин гурӯҳ ба ИМА ба унвони душман нигоҳ намекунад, иттилоъ додааст Sputnik Афғонистон.
Манбаъ хабар додааст, ки оқои Ҳаққонӣ дар як мусоҳибаи ихтисосӣ дар шабакаи CNN гуфт, ки пас аз ба қудрат расидани толибҳо дар Афғонистон равобити толибон ва Амрико тағйир ёфт ва ҳоло ин гурӯҳ талош дорад, бо ИМА равобити дипломатӣ барқарор кунад.

"Ҳоло мо ба онҳо (Иёлоти Муттаҳида) ҳамчун душман нигоҳ намекунем ва мо борҳо дар бораи равобити дипломатӣ суҳбат кардем", - гуфт Ҳаққонӣ

Вай ба тавофуқномаи Доҳа миёни толибон ва Амрико ишора карда гуфт, толибон ба ин тавофуқ пойбанд ҳастанд ва Афғонистон ҳаргиз заминаи таҳдиди террористӣ ба Амрикоро фароҳам нахоҳад кард.
Женщина раздает хлеб нуждающимся детям перед пекарней в Кабуле - Sputnik Тоҷикистон, 1920, 16.05.2022
Миллионҳо нафар дар Афғонистон бо гуруснагии шадид мувоҷеҳ мебошанд
Сарпарасти Вазорати дохилаи толибон афзуд, ки ин гурӯҳ дар оянда бо Амрико ва кишварҳои дигар равобити хубе хоҳад дошт.
Ҳаққонӣ дар ҳоле аз тағйири мавзеъ дар баробари Амрико ва талош барои беҳбуди равобит бо ин кишвар сухан мегӯяд, ки ӯ ҳанӯз дар феҳристи афроди таҳти таъқиб пулиси федеролии Иёлоти Муттаҳида аст ва барои боздошти ӯ 10 миллион доллар ҷоиза таъйин шудааст.
Лентаи хабарҳо
0