Муҳиб: Солеҳ дар бораи дигарҳо ба Ашраф Ғанӣ маълумоти нодуруст медод

© AP / Kamran JebreiliАмрулла Салех
Амрулла Салех - Sputnik Тоҷикистон, 1920, 21.05.2022
Обуна шудан
Yandex newsTelegram
Мушовири пешини амнияти милии Афғонистон ин бор муовини аввали раисҷумҳури гурезии пешинро ба додани маълумоти нодурусти ҷанг ба Ашраф Ғанӣ муттаҳам кард
ДУШАНБЕ, 21 май — Sputnik. Як ҳафта пас аз он ки Ҳамдуллоҳ Муҳиб, мушовири пешини амнияти миллии Афғонистон расонаҳоро омили суқути Афғонистон ба дасти толибон хонд, акнун дар мусоҳибае гуфтааст, ки Амрулло Солеҳ дар бораи вазъияти ҷангии кишвар ба Ашраф Ғанӣ маълумоти нодуруст медод.
Дар охирин мусоҳибаи худ бо Би-Би-Си, Муҳиб бори нахуст ихтилофоти худро бо Амруллоҳ Солеҳ, муовини аввали раисҷумҳури пешини Афғонистон ошкор карда, ӯро ба додани иттилоъ ва маслиҳати бардурӯғ, дур аз воқеияти ҷангӣ дар ин кишвар ба Ашраф Ғанӣ муттаҳам кард.
Аммо ӯ дар ин бора ҷузъиёти бештаре надод.

"Ҳар мавриде ки марбут ба нокомии ман бошад ,масъулияти комили онро бар уҳда мегирам ва ба хотири он узрхоҳӣ мекунам. Умедворам, ки ҳар касе, ки масъулияте дошта бошад, биёяд ва тавзеҳ бидиҳад", - гуфт ӯ.

Муҳиб афзуд, мардуми афғонистонӣ "эҳсосотӣ" ва "хафа" ҳастанд. Аммо аз нигоҳи раисҷумҳури Афғонистон, ду ҳафтаи ҷанг ба ҷуз бадбахтии бештар дигар дардеро дармон намекард.
Продавец гранатов на рынке в Кабуле - Sputnik Тоҷикистон, 1920, 21.05.2022
Ҳамдуллоҳ Муҳиб аз мардуми Афғонистон узрхоҳӣ кард
Мушовири собиқи Шӯрои амният афзуд, умедвор аст, ҳамаи онҳое, ки дар суқути ҳукумати пешин даст доранд, тавзеҳ хоҳанд дод.
Қаблан дар як суханронии ҷадид ва баҳсбарангез дар хориҷ вай расонаҳоро дар фурӯпошии ҳукумати пешини Афғонистон айбдор ва махсусан ба "TOLOnews" ишора кард.
Қобили зикр аст, ки пас аз фирори Ашраф Ғанӣ ва Ҳамдуллоҳ Муҳиб аз дасти толибон ба Имороти Муттаҳидаи Арабӣ фирор карданд. Амруллоҳ Солеҳ то ҳол маълум нест, ба кадом кишваре фирор кардааст.
Лентаи хабарҳо
0