Пашинян хостори ташкили минтақаи озоди тиҷорӣ бо Эрон шуд: Путин ҷонибдорӣ кард

© Пресс-служба Президента ТаджикистанаПремьер-министр Армении Никол Пашинян
Премьер-министр Армении Никол Пашинян  - Sputnik Тоҷикистон, 1920, 27.05.2022
Обуна шудан
Сарвазири Арманистон аз ташкили минтақаи муваққати озоди тиҷоратӣ бо Эрон тавсиф карда, пешниҳод намуд, ки ин созишнома ба таври комил баста шавад
ДУШАНБЕ, 27 май — Sputnik. Миёни кишварҳои Иттиҳоди Иқтисодии АвруОсиё ва Эрон ба таври комил минтақаи озоди тиҷоратӣ ташкил карда шавад, пешниҳод намуд Никол Пашинян, сарвазири Ҷумҳурии Арманистон.
Ӯ ин нуқтаро зимни ҷаласаи сарони кишварҳои узви ИИАО пешниҳод карда, бар зарфияти додугирифт бо Эрон таъкид намуд.
Ба гуфтаи Пашинян, созишномаи муваққатӣ дар мавриди минтақаи озоди тиҷорӣ бо Эрон таваҷҷуҳи калон ба бозорҳои тарафайнро нишон дод.
Маврид ба зикр аст, ки созишномаи муваққатӣ дар мавриди минтақаи озоди тиҷоратӣ миёни кишварҳои узви ИИАО ва Эрон аз соли 2018 амал карда, пешниҳод шудааст, ки ин санад ба ҳуҷҷати комили ҳамешагӣ иваз карда шавад.
Президент РФ Владимир Путин  - Sputnik Тоҷикистон, 1920, 27.05.2022
Путин: 75%-и додугирифт бо пули миллӣ сурат мегирад
Ин дар ҳолест, ки ба иттилои расмӣ, додугирифт миёни кишварҳои узви ИИАО ва Эрон дар соли 2021 беш аз 73% афзоиш ёфта, зиёда аз 5 млрд долларро ташкил додааст. Аз ҷумла содирот аз кишварҳои узви Иттиҳоди Иқтисодии АвруОсиё ба андозаи 2,1 баробар афзоиш ёфта, то ба 3,4 млрд доллар расидааст.
Владимир Путин, раисҷумҳури Русия низ аз ташкили минтақаи озоди тиҷории ҳамешагӣ бо Эрон ҷонибдорӣ карда, изҳор доштааст, ки то таҳияи санади комил муҳлати амали созишномаи муваққатӣ тамдид шавад.
Вай ҳамчунин хостори вусъати музокирот бо Мисру Индонезия дар мавриди ташкили минтақаи озоди иқтисодӣ шуда, муҳим хондааст, ки масъалаи тасвиби чунин як созишнома бо Имороти Муттаҳидаи Арабӣ низ мавриди баррасӣ қарор гирад.
Лентаи хабарҳо
0